കളിമുറ്റത്ത് ‘തക്ബീർ’ ഉയർന്നു; നിറഞ്ഞു കവിഞ്ഞ് ലോകകപ്പ് വേദി

ദോ​ഹ: ​നെ​യ്​​മ​റി​ന്റെ​യും ​​ക്രി​സ്​​റ്റ്യാ​നോ റൊ​ണാ​ൾ​ഡോ​യു​ടെ​യും പ്ര​ക​ട​ന​ങ്ങ​ളും ബ്ര​സീ​ലി​ന്റെ ക​ണ്ണീ​ർ​വീ​ഴ്​​ച​ക​ൾ​ക്കും സാ​ക്ഷി​യാ​യ മ​ണ്ണ്​ ‘ത​ക്​​ബീ​ർ’ മു​ഴ​ക്ക​ത്തി​ൽ അ​ലി​ഞ്ഞു ചേ​ർ​ന്ന ദി​നം. ‘അ​ല്ലാ​ഹു അ​ക്​​ബ​ർ... അ​ല്ലാ​ഹു അ​ക്​​ബ​ർ...’ മു​ഴ​ക്കി വി​ശ്വാ​സി​ക​ളെ​ല്ലാം ലോ​ക​ക​പ്പ്​ വേ​ദി​യാ​യ എ​ജു​ക്കേ​ഷ​ൻ സി​റ്റി സ്​​റ്റേ​ഡി​യ​ത്തി​ലേ​ക്ക്​ ഒ​ഴു​കി​യെ​ത്തി​യ​പ്പോ​ൾ മൂ​ന്ന്​ മാ​സം മു​മ്പ്​ ക​ളി​നി​റ​ഞ്ഞ മ​ണ്ണ്​ പ്രാ​ർ​ഥ​നാ നി​ർ​ഭ​ര​മാ​യി. വെ​ള്ളി​യാ​ഴ്ച പെ​രു​ന്നാ​ൾ പ്രാ​ർ​ഥ​ന​യി​ൽ ഖ​ത്ത​റി​ലും അ​റ​ബ്​ ലോ​ക​ത്തും ഏ​റെ ശ്ര​ദ്ധേ​യ​മാ​യ​ത്​ ലോ​ക​ക​പ്പ്​ വേ​ദി ആ​തി​ഥ്യം വ​ഹി​ച്ച ഈ​ദ്​ ന​മ​സ്​​കാ​ര​മാ​യി​രു​ന്നു. വ​മ്പു​റ്റ പോ​രാ​ട്ട​ങ്ങ​ൾ സാ​ക്ഷി​യാ​യ ച​രി​ത്ര​മ​ണ്ണ്​ പ്രാ​ർ​ഥ​ന​ക്കാ​യി തു​റ​ന്നു ന​ൽ​കി​യ​പ്പോ​ൾ ആ​വേ​ശ​​ത്തോ​ടെ ക​ളി​യാ​രാ​ധ​ക​രും വി​ശ്വാ​സി​ക​ളും ഒ​ഴു​കി​യെ​ത്തി. രാ​വി​ലെ 5.21നാ​യി​രു​ന്നു ന​മ​സ്​​കാ​ര​മെ​ങ്കി​ലും മ​ണി​ക്കൂ​ർ മു​മ്പ്​ ത​ന്നെ സ്​​റ്റേ​ഡി​യ​ത്തി​ന്റെ പ​ച്ച​പ്പു​ൽ​മൈ​താ​നം ജ​ന​സാ​ഗ​ര​മാ​യി മാ​റി​യി​രു​ന്നു. സ്​​ത്രീ​ക​ളും കു​ട്ടി​ക​ളും ഉ​ൾ​പ്പെ​ടെ ആ​യി​ര​ങ്ങ​ൾ ഒ​ഴു​കി​യെ​ത്തി​യ​പ്പോ​ൾ സൂ​പ്പ​ർ താ​ര​ങ്ങ​ളു​ടെ പോ​രാ​ട്ട​ങ്ങ​ളു​ടെ ചി​ത്രം പ​തി​ഞ്ഞ വേ​ദി മ​റ്റൊ​രു ച​രി​ത്ര​ത്തി​നു കൂ​ടി സാ​ക്ഷി​യാ​യി.

ഖ​ത്ത​ർ ഫൗ​ണ്ടേ​ഷ​നു കീ​ഴി​ലെ മി​ന​ര​െ​െ​ത​ൻ സെ​ന്റ​റാ​യി​രു​ന്നു എ​ജു​ക്കേ​ഷ​ൻ സി​റ്റി സ്​​റ്റേ​ഡി​യ​ത്തി​ലെ ഈ​ദ്​ ന​മ​സ്​​കാ​ര​ത്തി​ന്റെ സം​ഘാ​ട​ക​ർ. ലോ​ക​ക​പ്പ്​ വേ​ള​യി​ൽ ബ്ര​സീ​ൽ-​ക്രൊ​യേ​ഷ്യ ക്വാ​ർ​ട്ട​ർ ഫൈ​ന​ൽ ഉ​ൾ​പ്പെ​ടെ എ​ട്ട്​ മ​ത്സ​ര​ങ്ങ​ൾ​ക്കു വേ​ദി​യാ​യ ച​രി​ത്ര​മു​ള്ള ക​ളി​മു​റ്റ​ത്തി​ന്​ ഈ​ദ്​ ന​മ​സ്​​കാ​രം പു​തു​മ​യു​ള്ള കാ​ഴ്​​ച​യാ​യി​രു​ന്നു.

ലോ​ക​ക​പ്പ്​ ച​രി​ത്ര​ത്തി​ൽ ത​ന്നെ ആ​ദ്യ​മാ​യാ​ണ്​ ക​ളി ക​ഴി​ഞ്ഞ സ്​​റ്റേ​ഡി​യം ഒ​രു ന​മ​സ്​​കാ​ര വേ​ദി​യാ​യി മാ​റു​ന്ന​ത്. അ​സു​ല​ഭ നി​മി​ഷ​ത്തി​ന്റെ ഭാ​ഗ​മാ​വാ​ൻ അ​തി​രാ​വി​ലെ ത​ന്നെ സ്​​റ്റേ​ഡി​യ​ത്തി​ലേ​ക്ക്​ ഒ​ഴു​കി​യെ​ത്തി​യ​വ​രാ​ൽ പ​ച്ച​പ്പു​ൽ മൈ​താ​നം നി​റ​ഞ്ഞു. സ്​​റ്റേ​ഡി​യ​ത്തി​ന്റെ നാ​ലു ഭാ​ഗ​ത്തെ​യും ക​വാ​ട​ങ്ങ​ൾ തു​റ​ന്നു ന​ൽ​കി​യാ​യി​രു​ന്നു പ്ര​വേ​ശ​നം അ​നു​വ​ദി​ച്ച​ത്. നെ​യ്​​മ​റും ​ക്രി​സ്​​റ്റ്യാ​നോ റൊ​ണാ​ൾ​ഡോ​യും ഉ​ൾ​പ്പെ​ടെ സൂ​പ്പ​ർ​താ​ര​ങ്ങ​ൾ മാ​റ്റു​ര​ച്ച ക​ളി​മു​റ്റം ഒ​രി​ക്ക​ൽ​കൂ​ടി കാ​ണാ​മെ​ന്ന പ്ര​തീ​ക്ഷ​യോ​ടെ​യാ​ണ്​ ഫു​ട്​​ബാ​ൾ പ്രേ​മി​ക​ൾ ഈ​ദ്​ ഗാ​ഹ്​ വേ​ദി​യി​ലെ​ത്തി​യ​ത്. മൈ​താ​ന​മു​റ്റം നേ​ര​ത്തേ ത​ന്നെ തി​ങ്ങി​നി​റ​ഞ്ഞ​പ്പോ​ൾ, പ​ല​രും സ്​​റ്റേ​ഡി​യ​ത്തി​ന്​ പു​റ​ത്തു കാ​ത്തു​നി​ൽ​ക്കു​ന്ന​തും കാ​ണാ​നാ​യി.

15,000ത്തോ​ളം പേ​ർ സ്​​റ്റേ​ഡി​യ​ത്തി​ലെ ന​മ​സ്​​കാ​ര​ത്തി​ൽ പ​​ങ്കെ​ടു​ത്ത​താ​യി എ​ജു​ക്കേ​ഷ​ൻ സി​റ്റി മ​സ്​​ജി​ദ്​ ക​മ്യൂ​ണി​റ്റി എ​ൻ​ഗേ​ജ്​​മെ​ന്റ്​ ആ​ൻ​ഡ്​ ഔ​ട്ട്​​റീ​ച്ച്​ കോ​ഓ​ഡി​നേ​റ്റ​ർ സു​ലൈ​മാ​ൻ ബാ​ഹ്​ പ​റ​ഞ്ഞു. ന​മ​സ്​​കാ​ര ശേ​ഷം, മി​ന​ാ​ര​തൈ​ൻ സെ​ന്റ​ർ നേ​തൃ​ത്വ​ത്തി​ൽ കു​ട്ടി​ക​ൾ​ക്കാ​യി വി​വി​ധ വി​നോ​ദ പ​രി​പാ​ടി​ക​ളും മ​ത്സ​ര​ങ്ങ​ളും സം​ഘ​ടി​പ്പി​ച്ചി​രു​ന്നു. ഖ​ത്ത​ർ ഫൗ​ണ്ടേ​ഷ​ൻ ചെ​യ​ർ​പേ​ഴ്​​സ​ൻ ​ ശൈ​ഖ മൗ​സ ബി​ൻ​ത്​ നാ​സ​ർ ഉ​ൾ​പ്പെ​ടെ പ്ര​മു​ഖ​ർ ന​മ​സ്​​കാ​ര​ത്തി​ൽ പ​​ങ്കാ​ളി​ക​ളാ​യി.