ദോഹ: ക്ഷമയും സംവാദവും ഏറെ പ്രധാനമെന്ന് യുഎന് ജനറല് അസംബ്ലിയില് സാംസ്കാരികം^സുസ്ഥി രവികസനം എന്നിവയുമായി ബന്ധപ്പെട്ട് നടന്ന വട്ടമേശ ചര്ച്ചാസമ്മേളനത്തില് ഖത്തര് മ്യൂസിയംസ് ചെയര്പേഴ്സണ് ശൈഖ അല്മയാസ ബിന്ത് ഹമദ് ആൽഥാനി പറഞ്ഞു. ദോഹ ഫിലിം ഇൻസറ്റിറ്റ്യൂട്ട്്, റീച്ച് ഔട്ട് ടു ഏഷ്യ എന്നിവയുടെയും ചെയര്പേഴ്സണ് ശൈഖ മയാസയാണ്. മനുഷ്യവികസനത്തിെൻറ പ്രധാന ഘടകം സാംസ്കാരികമാണ്. ക്ഷമയെയും സംവാദത്തെയും പിന്തുണയക്കുന്നതില് സാംസ്കാരികമേഖല വഹിക്കുന്നത് സുപ്രധാനപങ്കാണ്.
ദേശീയ മ്യൂസിയം വികസിപ്പിക്കുന്നതിന് ഖത്തര് സ്വീകരിക്കുന്ന നടപടികളും അവർ വിശദീകരിച്ചു. ഖത്തരി സംസ്കാരത്തെ സംരക്ഷിക്കുകയും എല്ലാ മേഖലകളിലും ഖത്തരി ജനങ്ങളുമായി ആശയവിനിമയം നടത്തുകയെന്നതുമാണ് ദേശീയ മ്യൂസിയം വികസന പദ്ധതി പ്രധാനമായും ലക്ഷ്യമിടുന്നത്. നിരവധി ഖത്തരി തലമുറകളുടെ അനുഭവങ്ങള് രേഖപ്പെടുത്തിയ 500 ഓണ് ക്യാമറ അഭിമുഖങ്ങള് അവര് ചൂണ്ടിക്കട്ടി. ഖത്തറിലെ ജനങ്ങളുടെ അറിവും ജ്ഞാനവും സംരക്ഷിക്കുന്നതില് നാഷണല് മ്യൂസിയം ഓഫ് ഖത്തര് നടത്തുന്ന പ്രയത്നങ്ങളുടെ പ്രാധാന്യവും അവർ എടുത്തുകാട്ടി. ന്യുയോര്ക്കില് യുഎന് ആസ്ഥാനത്തായിരുന്നു പരിപാടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.