‘റീ ​റൂ​ട്ട്’​; ശ്ര​ദ്ധേ​യ​മായി ഖ​ത്ത​ര്‍ മ​ല​യാ​ളി​ക​ള്‍ നി​ര്‍മി​ച്ച ഹ്രസ്വചിത്രം

ദോ​ഹ: ഖ​ത്ത​ര്‍ മ​ല​യാ​ളി​ക​ള്‍ നി​ര്‍മി​ച്ച ‘റീ ​റൂ​ട്ട്’​ഷോ​ര്‍ട്ട് ഫി​ലിം ശ്ര​ദ്ധേ​യ​മാ​കു​ന്നു. യൂ​ട്യൂ​ബ് പ്ലാ​റ്റ്ഫോ​മി​ൽ അ​ഞ്ചു​ദി​വ​സം​മു​മ്പാ​ണ് ചി​ത്രം പ്ര​ദ​ര്‍ശ​ന​ത്തി​ന് എ​ത്തി​യ​ത്. ഇ​തി​ന​കം നൂ​റു​ക​ണ​ക്കി​നാ​ളു​ക​ൾ ക​ണ്ട ചി​ത്രം ആ​സ്വാ​ദ​ക​രു​ടെ പ്ര​ശം​സ നേ​ടി​ക്ക​ഴി​ഞ്ഞു. ഖ​ത്ത​റി​ൽ സാ​​ങ്കേ​തി​ക​ത്തി​ക​വോ​ടെ കേ​ര​ളീ​യ പ​ശ്ചാ​ത്ത​ല​മൊ​രു​ക്കി​യാ​ണ് റീ ​റൂ​ട്ട് ചി​ത്രീ​ക​രി​ച്ച​ത്. 12 മി​നി​റ്റ് ​ദൈ​ർ​ഘ്യ​മു​ള്ള ടെ​ലി​ഫി​ലിം പൂ​ർ​ണ​മാ​യും ഖ​ത്ത​റി​ലാ​ണ് ഒ​രു​ക്കി​യ​ത്.

ജോ​യ്ദേ​വ​ർ ഫി​ലിം​സു​മാ​യി സ​ഹ​ക​രി​ച്ച് വി​നോ​ദ് വി. ​നാ​യ​ർ നി​ർ​മി​ക്കു​ന്ന ചി​ത്രം സം​വി​ധാ​നം ചെ​യ്ത​ത് ശ്രീ​ജി​ത്ത് ആ​ല​ക്കോ​ടാ​ണ്. Joydever യൂ​ട്യൂ​ബ് ചാ​ന​ലി​ലാ​ണ് ചി​ത്രം റി​ലീ​സ് ചെ​യ്ത​ത്.

ഒ​രു രാ​ത്രി​യി​ല്‍ ന​ട​ക്കു​ന്ന അ​വി​ചാ​രി​ത​മാ​യ സം​ഭ​വ​ങ്ങ​ളി​ലൂ​ടെ​യാ​ണ് ക​ഥ പു​രോ​ഗ​മി​ക്കു​ന്ന​ത്. ‘ഞാ​ന്‍ ഏ​ക​നാ​ണ്’​എ​ന്ന സി​നി​മ​ക്ക് സ​ത്യ​ന്‍ അ​ന്തി​ക്കാ​ട് എ​ഴു​തി​യ ‘ഓ ​മൃ​ദു​ലേ’​എ​ന്ന ഗാ​ന​ത്തി​നു​ള്ള സ​മ​ര്‍പ്പ​ണം കൂ​ടി​യാ​ണ് റീ ​റൂ​ട്ട് ഷോ​ര്‍ട്ട് ഫി​ലിം എ​ന്ന് അ​ണി​യ​റ ശി​ൽ​പി​ക​ൾ പ​റ​യു​ന്നു.

ഈ​ഗാ​നം സം​ബ​ന്ധി​ച്ച് സ​ത്യ​ൻ അ​ന്തി​ക്കാ​ട് വെ​ളി​പ്പെ​ടു​ത്തി​യ സം​ഭ​വ​ക​ഥ​യി​ൽ​നി​ന്നാ​ണ് ‘റീ ​റൂ​ട്ടി’​ന്റെ പി​റ​വി. ഒ​രു കാ​റി​ന്റെ അ​ക​മാ​ണ് ചി​ത്ര​ത്തി​ന്റെ ലൊ​ക്കേ​ഷ​ൻ. ചി​ത്ര രാ​ജേ​ഷ്, മാ​ർ​ട്ടി​ൻ തോ​മ​സ്, ശ്രീ​ജി​ത്ത് ആ​ല​ക്കോ​ട് എ​ന്നീ മൂ​ന്ന് അ​ഭി​നേ​താ​ക്ക​ളി​ലൂ​ടെ​യാ​ണ് ക​ഥ വി​ക​സി​ക്കു​ന്ന​ത്. ചി​ത്ര​ത്തി​ന്റെ റി​ലീ​സു​മാ​യി ബ​ന്ധ​പ്പെ​ട്ട് ന​ട​ത്തി​യ വാ​ര്‍ത്താ​സ​മ്മേ​ള​ന​ത്തി​ല്‍ നി​ര്‍മാ​താ​വ് വി​നോ​ദ് വി. ​നാ​യ​ര്‍, ശ്രീ​ജി​ത്ത് ആ​ല​ക്കോ​ട്, ചി​ത്ര രാ​ജേ​ഷ്, ര​തീ​ഷ് എ​ന്നി​വ​ര്‍ പ​ങ്കെ​ടു​ത്തു.