ദോഹ: ഇൻഡസ്ട്രിയൽ ഏരിയയിലെ വ്യാപാര സ്ഥാപനങ്ങളിൽ മോഷണം നടത്തിയ രണ്ട് വിദേശികളെ ഖത്തർ ആഭ്യന്തര മന്ത്രാലയത്തിന്റെ പ്രത്യേക അന്വേഷണ വിഭാഗം അറസ്റ്റു ചെയ്തു. മേഖലയിലെ വിവിധ ഷോപ്പുകളിൽ നടന്ന മോഷണങ്ങളുമായി ബന്ധപ്പെട്ട് ലഭിച്ച പരാതികളുടെ അടിസ്ഥാനത്തിൽ ക്രിമിനൽ അന്വേഷണ വിഭാഗത്തിനു കീഴിൽ രൂപീകരിച്ച സംഘമാണ് ആഫ്രിക്കൻ പൗരന്മാരായ രണ്ടു പേരെ അറസ്റ്റു ചെയ്തത്.
ചോദ്യം ചെയ്യലിൽ ഇവർ കുറ്റം സമ്മതിച്ചതായി ആഭ്യന്തര മന്ത്രാലയം അറിയിച്ചു. ഇവരിൽനിന്ന് ഏതാനും തൊണ്ടിമുതലുകളും കണ്ടെത്തി.
അറസ്റ്റ് ചെയ്തവരെ നിയമനടപടികൾക്കായി ബന്ധപ്പെട്ട വിഭാഗത്തിലേക്ക് കൈമാറി. പിടിയിലായവരുടെ ചിത്രങ്ങളും മോഷണമുതലുകളും അധികൃതർ പുറത്തുവിട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.