ദോഹ: ഉപപ്രധാനമന്ത്രിയും വിദേശകാര്യമന്ത്രിയുമായ ശൈഖ് മുഹമ്മദ് ബിൻ അബ്ദുറഹ്മാൻ ആൽഥാനി തുർക്കി പ്രസിഡൻറ് റജബ് ത്വയിബ് ഉർദുഗാനുമായി കൂടിക്കാഴ്ച നടത്തി. പ്രസിഡൻറ് ഉർദുഗാനും തുർക്കി ജനതക്കും ആശംസകൾ നേർന്നുള്ള അമീർ ശൈഖ് തമീം ബിൻ ഹമദ് ആൽഥാനിയുടെ സന്ദേശം വിദേശകാര്യമന്ത്രി ശൈഖ് മുഹമ്മദ് ഉർദുഗാനെ അറിയിച്ചു. അമീറിനും ഖത്തർ ജനതക്കും ഐശ്വര്യവും വളർച്ചയും ആശംസിച്ചു കൊണ്ടുള്ള സന്ദേശം തുർക്കി പ്രസിഡൻറ് ഉർദുഗാൻ വിദേശകാര്യമന്ത്രിയെ അറിയിച്ചു. ഖത്തറും തുർക്കിയും തമ്മിലുള്ള ഉഭയകക്ഷി ബന്ധവും വിവിധ മേഖലകളിൽ സഹകരണം ശക്തിപ്പെടുത്തുന്നതുമായി ബന്ധപ്പെട്ടും കൂടിക്കാഴ്ചയിൽ ഇരുനേതാക്കന്മാരും ചർച്ച ചെയ്തു. ഇരുരാജ്യങ്ങളെ സംബന്ധിച്ചും പൊതുപ്രാധാന്യമുള്ള വിഷയങ്ങളും മേഖലാ, രാജ്യാന്തര രാഷ്ട്രീയ സാഹചര്യങ്ങളും വിലയിരുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.