ദോഹ: രണ്ട് മാസം മുമ്പ് ഖത്തറിൽ മരണപ്പെട്ട തമിഴ്നാട് സ്വദേശിയുടെ മൃതദേഹം സംസ്കരിക്കാനുള്ള നടപടികൾ സ്വീകരിച്ച് ഖത്തർ ഇന്ത്യൻ സോഷ്യൽ ഫോറത്തിൻെറ തമിഴ്നാട് ഘടകം. കഴിഞ്ഞ ഏപ്രിൽ 22നാണ് ശെൽവം (46) മരണപ്പെട്ടത്. കോവിഡ് സാഹചര്യത്തിലുള്ള വിവിധ തടസങ്ങളാലും ബന്ധുക്കളോ നാട്ടുകാരോ ഖത്തറില്ലാത്തത് മൂലവും മൃതദേഹം ആഴ്ചകളായി ഹമദ് മോർച്ചറിയിൽ ആയിരുന്നു.
തുടർന്ന് ശെൽവത്തിൻെറ കുടുംബം, തമിഴ്നാട്ടിലെ പുതുക്കോട്ടായി ജില്ല എസ്ഡിപിഐ നേതൃത്വവുമായി ബന്ധപ്പെടുകയായിരുന്നു. അവർ ഖത്തറിലെ തമിഴ്നാട് സോഷ്യൽ ഫോറം നേതാക്കളുമായി സംസാരിച്ചതോടെയാണ് നടപടികൾ മുന്നോട്ടുപോയത്. പ്രസിഡൻറ് റിസ്വാൻ, സെൻട്രൽ കമ്മിറ്റി ജനറൽസെക്രട്ടറി ബഷീർ അഹമ്മദ്, സെക്രട്ടറി ലത്തീഫ് മടിക്കേരി എന്നിവരുടെ നേതൃത്വത്തിൽ നടപടികൾ പൂർത്തിയാക്കി ദൂഖാൻ സെമിത്തേരിയിൽ സംസ്കാരം നടത്തിയെന്ന് ബന്ധപ്പെട്ടവർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.