മി​സൈ​ൽ ആ​ക്ര​മ​ണം; പ്ര​തി​രോ​ധി​ച്ച്​ ഖ​ത്ത​ർ

ദോ​ഹ: അ​ൽ ഉ​ദൈ്​ അ​മേ​രി​ക്ക​ൻ വ്യോ​മ​താ​വ​ള​ത്തെ ല​ക്ഷ്യ​മാ​ക്കി ന​ട​ന്ന ഇ​റാ​ന്‍റെ മി​സൈ​ൽ ആ​ക്ര​മ​ണ​ങ്ങ​ളെ ശ​ക്​​ത​മാ​യ മി​സൈ​ൽ വേ​ധ പ്ര​തി​രോ​ധ സം​വി​ധാ​ന​ങ്ങ​ൾ ഉ​പ​യോ​ഗി​ച്ച്​ വി​ജ​യ​ക​ര​മാ​യി ത​ട​ഞ്ഞ്​ ഖ​ത്ത​ർ. തി​ങ്ക​ളാ​ഴ്​​ച വൈ​കു​ന്നേ​രം സ്വ​ദേ​ശി​ക​ളെ​യും താ​മ​സ​ക്കാ​രെ​യും ആ​ശ​ങ്ക​യി​ലാ​ഴ്​​ത്തി ഇ​റാ​നി​ൽ നി​ന്നും തൊ​ടു​ത്തു​വി​ട്ട മി​സൈ​ലു​ക​ൾ ആ​കാ​ശ​ത്ത്​ വെ​ളി​ച്ച​മാ​യി പ്ര​ത്യ​ക്ഷ​പ്പെ​ട്ട​പ്പോ​ൾ, ക​രു​ത്തു​റ്റ വ്യോ​മ​പ്ര​തി​രോ​ധ സം​വി​ധാ​ന​ങ്ങ​ളും പ്ര​വ​ർ​ത്ത​ന ക്ഷ​മ​മാ​യി.ഖ​ത്ത​ർ പ്ര​തി​രോ​ധ സേ​ന ആ​വ​ശ്യ​മാ​യ ജാ​ഗ്ര​ത​യും മു​ൻ​ക​രു​ത​ലു​ക​ളും സ്വീ​ക​രി​ച്ചാ​യി​രു​ന്നു മി​സൈ​ൽ ആ​​ക്ര​മ​ണം നേ​രി​ട്ട​ത്.

ആ​ക്ര​മ​ണ മു​ന്ന​റി​യി​പ്പി​നു പി​ന്നാ​ലെ വൈ​കീ​ട്ട് 6.45ഓ​ടെ​ വ്യോ​മ​പാ​ത താ​ൽ​കാ​ലി​ക​മാ​യി അ​ട​ക്കു​ന്ന​താ​യി വി​ദേ​ശ​കാ​ര്യ​മ​ന്ത്രാ​ല​യം അ​റി​യി​ച്ചു. തു​ട​ർ​ന്നാ​ണ് മി​സൈ​ലു​ക​ൾ ഖ​ത്ത​റി​ന്റെ അ​ന്ത​രീ​ക്ഷ​ത്തി​ൽ വ​ലി​യ ശ​ബ്ദ​ത്തോ​ടെ പൊ​ട്ടി​ത്തെ​റി​ച്ച​ത് കാ​ണ​പ്പെ​ട്ട​ത്. മി​സൈ​ൽ ആ​ക്ര​മ​ണ​ങ്ങ​ളെ ഖ​ത്ത​ർ പ്ര​തി​രോ​ധ​സേ​ന വി​ജ​യ​ക​ര​മാ​യി ത​ട​ഞ്ഞു.

സം​ഭ​വ​ത്തി​ൽ ആ​ള​പാ​യ​മോ പ​രി​ക്കോ ഉ​ണ്ടാ​യി​ട്ടി​ല്ലെ​ന്ന്​ പ്ര​തി​രോ​ധ മ​ന്ത്രാ​ല​യ​വും, പ്ര​ധാ​ന​മ​ന്ത്രി​യു​ടെ ഉ​പ​ദേ​ഷ്​​ടാ​വ്​ ഡോ. ​മാ​ജി​ദ്​ അ​ൽ അ​ൻ​സാ​രി​യും അ​റി​യി​ച്ചു. ബേ​സി​ലെ ഖ​ത്ത​ർ സൈ​നി​ക​ർ, സ​ഖ്യ​സേ​നാം​ഗ​ങ്ങ​ൾ, ജീ​വ​ന​ക്കാ​ർ ഉ​ൾ​പ്പെ​ടെ സു​ര​ക്ഷ ഉ​റ​പ്പാ​ക്കു​ന്ന​തി​ന് ആ​വ​ശ്യ​മാ​യ എ​ല്ലാ ന​ട​പ​ടി​ക​ളും സ്വീ​ക​രി​ച്ചി​രു​ന്നു.

ഖ​ത്ത​ർ സു​ര​ക്ഷി​ത​മാ​ണ്, ഏ​ത് വി​ധ​ത്തി​ലു​ള്ള ഭീ​ഷ​ണി​യെ​യും നേ​രി​ടാ​ൻ ഖ​ത്ത​ർ പ്ര​തി​രോ​ധ സേ​ന സ​ജ്ജ​മാ​ണെ​ന്നും മ​ന്ത്രാ​ല​യം ആ​വ​ർ​ത്തി​ച്ചു. പൗ​ര​ന്മാ​രും താ​മ​സ​ക്കാ​രും ആ​ശ​ങ്ക​പ്പെ​ടേ​ണ്ട​തി​ല്ലെ​ന്നും ഔ​ദ്യോ​ഗി​ക സ്രോ​ത​സ്സു​ക​ളി​ൽ നി​ന്നു​ള്ള വി​വ​ര​ങ്ങ​ൾ സ്വീ​ക​രി​ക്ക​ണ​മെ​ന്നും മ​ന്ത്രാ​ല​യം ആ​ഹ്വാ​നം ചെ​യ്തു.