ലോക ഹാൻഡ്ബാൾ ചാമ്പ്യൻഷിപ്പിൽ ഖത്തർ ഫ്രാൻസ്
മത്സരത്തിൽ നിന്ന്
ദോഹ: ക്രൊയേഷ്യയിൽ തുടക്കം കുറിച്ച ലോക ഹാൻഡ്ബാൾ ചാമ്പ്യൻഷിപ്പിലെ ഉദ്ഘാടന മത്സരത്തിൽ ഖത്തറിന് തോൽവി. ഗ്രൂപ് ‘സി’യിലെ ആദ്യ മത്സരത്തിൽ കരുത്തരായ ഫ്രാൻസാണ് ഖത്തറിനെ തോൽപിച്ചത്. 37-19 എന്ന സ്കോറിനായിരുന്നു ഫ്രാൻസിന്റെ വിജയം.
ആദ്യ പകുതിയിൽ 18-10ന് ലീഡ് പിടിച്ച ഫ്രാൻസ് രണ്ടാം പകുതിയിലും അതേ മികവുമായി കളി തുടർന്നാണ് വിജയം സ്വന്തമാക്കിയത്.
വ്യാഴാഴ്ച ഓസ്ട്രിയക്കെതിരെയാണ് ഖത്തറിന്റെ രണ്ടാം മത്സരം. മൂന്നാം അങ്കത്തിൽ 18ന് കുവൈത്തിനെയും നേരിടും. ആദ്യ മത്സരത്തിൽ കുവൈത്ത് ഓസ്ട്രിയയോട് 37-26ന് തോറ്റിരുന്നു. നാല് ടീമുകൾ കളിക്കുന്ന ഗ്രൂപ്പിൽനിന്നും അവസാന സ്ഥാനക്കാർ ഒഴികെ മൂന്ന് ടീമുകൾക്ക് മെയിൻ ഗ്രൂപ്പിലേക്ക് മുന്നേറാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.