ഖത്തർ പ്രധാനമന്ത്രി ശൈഖ് മുഹമ്മദ് ബിൻ അബ്ദുർറഹ്മാൻ ബിൻ ജാസിം ആൽ ഥാനിയും
സൗദി വിദേശകാര്യ മന്ത്രി പ്രിൻസ് ഫൈസൽ ബിൻ ഫർഹാൻ ബിൻ അബ്ദുല്ല ആൽ
സുഊദുമായി കൂടിക്കാഴ്ചക്കിടെ
ദോഹ: ഖത്തരി-സൗദി കോഓഡിനേഷൻ കൗൺസിലിന്റെ എട്ടാമത് എക്സിക്യൂട്ടിവ് കമ്മിറ്റി യോഗം റിയാദിൽ നടന്നു.
ഖത്തർ പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുർറഹ്മാൻ ബിൻ ജാസിം ആൽ ഥാനി, സൗദി അറേബ്യയുടെ വിദേശകാര്യ മന്ത്രി പ്രിൻസ് ഫൈസൽ ബിൻ ഫർഹാൻ ബിൻ അബ്ദുല്ല ആൽ സുഊദ് എന്നിവരുടെ അധ്യക്ഷതയിലാണ് യോഗം നടന്നത്.
കഴിഞ്ഞ കാലയളവിലെ ഉപസമിതികളുടെയും വർക്കിങ് ഗ്രൂപ്പുകളുടെയും പ്രവർത്തനങ്ങൾ യോഗത്തിൽ കൗൺസിൽ ജനറൽ സെക്രട്ടേറിയറ്റ് വർക്കിങ് ടീം അവലോകനം ചെയ്തു. യോഗത്തിന് ശേഷം, പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുർറഹ്മാൻ ബിൻ ജാസിം ആൽ ഥാനിയും സൗദി വിദേശകാര്യ മന്ത്രി പ്രിൻസ് ഫൈസൽ ബിൻ ഫർഹാൻ ബിൻ അബ്ദുല്ല ആൽ സുഊദും ചേർന്ന് ഖത്തരി -സൗദി ഏകോപന കൗൺസിലിന്റെ എക്സിക്യൂട്ടിവ് കമ്മിറ്റി യോഗത്തിന്റെ മിനിറ്റ്സിൽ ഒപ്പുവെച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.