ദോഹ: ക്യു.എൻ.ബി സ്റ്റാർസ് ലീഗിൽ ഒന്നാം സ്ഥാനത്തിനുള്ള പോരാട്ടം കടുക്കുന്നു. കിരീടം ഉറപ്പാക്കുന്നതിനായി അൽ സദ്ദും അൽ ദുഹൈലുമാണ് ശക്തമായ പോരാട്ടം നടത്തുന്നത്. ഏഴാം ആഴ്ചയിൽ പോരാട്ടം കഴിഞ്ഞപ്പോൾ അൽ സദ്ദും അൽ ദുഹൈലും 16 പോയൻറുമായി ഒപ്പത്തിനൊപ്പമാണ്. എന്നാൽ, ഗോളുകൾ അടിച്ചുകൂട്ടിയ അൽ സദ്ദ് ഗോൾ ശരാശരിയിൽ ഒന്നാം സ്ഥാനത്ത് തുടരുകയാണ്. അൽ സദ്ദിന് 28 ഗോളുകളുടെ മുൻതൂക്കം ഉള്ളപ്പോൾ അൽ ദുഹൈലിന് 13 ഗോളുകളുടെ മാത്രം മുൻതൂക്കമാണുള്ളത്.
അൽ സദ്ദ് ഖത്തർ എസ്.സിയെ ഒന്നിനെതിരെ അഞ്ച് ഗോളുകൾക്ക് പരാജയപ്പെടുത്തിയപ്പോൾ അൽ ദുഹൈൽ അൽ അഹ്ലിയെ ഒന്നിനെതിരെ രണ്ട് ഗോളുകൾക്കാണ് കീഴടക്കിയത്. ആറ് പോയൻറുള്ള അൽ അഹ്ലി ഒമ്പതും നാല് പോയിേൻറാടെ ഖത്തർ എസ്.സി പത്തും സ്ഥാനത്താണ്. അൽ അറബിയെ എതിരില്ലാത്ത രണ്ട് ഗോളുകൾക്ക് പരാജയപ്പെടുത്തി അൽ സൈലിയ 15 േപായേൻറാടെ മൂന്നാം സ്ഥാനത്തോടെ എത്തി. 14 പോയേൻറാടെ അൽ റയ്യാൻ നാലാം സ്ഥാനത്തുണ്ട്. അൽ സദ്ദിെൻറ അൽജീരിയൻ മുന്നേറ്റ നിര താരം ബഗ്ദാദ് ബൗണേഡ്ജാഹ് 14 ഗോളുകളുമായി ടോപ്സ്കോറർ സ്ഥാനത്തിനുള്ള പോരാട്ടത്തിൽ ബഹുദൂരം മുന്നിലാണ്. അൽ സദ്ദിെൻറ തന്നെ അക്രം അഫീഫ് ആണ് എട്ട് ഗോൾ സ്വന്തമാക്കി രണ്ടാം സ്ഥാനത്തുള്ളത്. അൽ ദുഹൈലിെൻറ മൊറോക്കൻ താരം യൂസുഫ് അൽ അറബി ഏഴ് ഗോളുമായി മൂന്നാം സ്ഥാനത്തുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.