ദോഹ: അൽ ശമാൽ മുനിസിപ്പാലിറ്റിയുടെ നേതൃത്വത്തിൽ നിരത്തുകളിലും റോഡരികിലും ഉപേക്ഷിച്ച നിലയിലുള്ള വാഹനങ്ങൾ നീക്കം ചെയ്യാൻ തുടങ്ങി. ഇതിനായുള്ള കമ്മിറ്റിയുെട സഹകരണത്തോെടയാണിത്. മുനിസിപ്പിലാറ്റി ഇതിനായി പ്രത്യേക കാമ്പയിൻ നടത്തിയിരുന്നു.
ഉടമകേളാട് ഇത്തരത്തിലുള്ള വാഹനങ്ങൾ നീക്കം ചെയ്യാനായി ആവശ്യപ്പെടുകയും ചെയ്തിരുന്നു. ശമാൽ മുനിസിപ്പാലിറ്റിയുടെ കീഴിലുള്ള സ്ഥലങ്ങളിലെ വാഹനങ്ങളാണ് നീക്കിയത്. രണ്ടാഴ്ച നീണ്ടുനിന്ന കാമ്പയിൻ കാലയളവിലാണ് ഇത്തരത്തിലുള്ള 280 കാറുകൾ, ക്രൂയിസർ വാഹനങ്ങൾ, ബോട്ടുകൾ എന്നിവ റോഡരികിൽ ഉപക്ഷേിച്ച നിലയിൽ കണ്ടെത്തിയത്. താമസത്തിനും മറ്റുമായി ഉപയോഗിക്കുന്ന 160 പ്രത്യേക കാബിനുകളും കണ്ടെത്തിയിരുന്നു.
85 കാറുകൾ, ക്രൂയിസറുകൾ, ട്രെയ്ലറുകൾ, 10 കാബിനുകൾ എന്നിവയാണ് കമ്മിറ്റിയുടെ നേതൃത്വത്തിൽ നീക്കം ചെയ്തത്. 195 വാഹനങ്ങളും 150 കാബിനുകളും ഉടമകൾ തന്നെ നീക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.