ദോഹ: ഔദ്യോഗിക സന്ദർശനത്തിെൻറ ഭാഗമായി ഏഥൻസിലെത്തിയ ഉപപ്രധാനമന്ത്രിയും വിദേശകാര്യമന്ത്രിയുമായ ശൈഖ് മുഹമ്മദ് ബിൻ അബ്ദുറഹ്മാൻ ആൽഥാനി ഗ്രീക്ക് പ്രസിഡൻറ് േപ്രാകോപിസ് പാവ്ലോപുലോസുമായി കൂടിക്കാഴ്ച നടത്തി. ഗ്രീക്ക് പ്രസിഡൻറിനും ഗ്രീക്ക് ജനതക്കുമുള്ള അമീർ ശൈഖ് തമീം ബിൻ ഹമദ് ആൽഥാനിയുടെ ആശംസകൾ കൂടിക്കാഴ്ചക്കിടെ ശൈഖ് മുഹമ്മദ് ആൽഥാനി കൈമാറി. അമീറിനും ഖത്തറിനും ഖത്തർ ജനതക്കുമുള്ള ആശംസകളും അന്വേഷണങ്ങളും േപ്രാകോപിസ് പാവ്ലോപുലോസ് ഖത്തർ വിദേശകാര്യമന്ത്രിയെ അറിയിച്ചു.
ഇരുരാജ്യങ്ങളും തമ്മിലുള്ള ഉഭയകക്ഷി ബന്ധവും വിവിധ മേഖലകളിൽ സഹകരണം ശക്തമാക്കുന്നതും സംബന്ധിച്ചും വിദേശകാര്യമന്ത്രി–ഗ്രീക്ക് പ്രസിഡൻറ് കൂടിക്കാഴ്ചയിൽ ചർച്ച ചെയ്തു. പരസ്പരം പ്രാധാന്യമുള്ള വിവിധ വിഷയങ്ങളും കൂടിക്കാഴ്ചയിൽ ഇരുവരും വിലയിരുത്തി. ഇരുരാജ്യങ്ങൾക്കും ഇടയിലുള്ള സൗഹൃദ–ഉഭയകക്ഷി ബന്ധം ശക്തമാണ്. ഇത് കൂടുതൽ വിശാലമാക്കാൻ ഖത്തർ സന്നദ്ധമാണെന്നും രാഷ്ട്രീയ, സാമ്പത്തിക മേഖലകളിൽ ഗ്രീസുമായി കൂടുതൽ സഹകരണം സാധ്യമാക്കുമെന്നും ശൈഖ് മുഹമ്മദ് ബിൻ അബ്ദുറഹ്മാൻ ആൽഥാനി വ്യക്തമാക്കി. സന്ദർശനത്തിെൻറ ഭാഗമായി ഗ്രീക്ക് പ്രധാനമന്ത്രി അലക്സിസ് ടിസിപ്റാസ്, വിദേശകാര്യമന്ത്രി നികോസ് കോറ്റ്സിയാസ് എന്നിവരുമായും ഖത്തർ വിദേശകാര്യമന്ത്രി ഉഭയകക്ഷി ചർച്ചകൾ നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.