ദോഹ: ലിബിയയിൽ പരസ്പരം പോരടിക്കുന്ന ഗോത്രങ്ങൾ ചർച്ചക്ക് തയ്യാറാകണമെന്ന് ഖത്തർ ആവശ്യപ്പെട്ടു. ലിബിയൻ തലസ്ഥാനമായ ട്രിപ്പോളിയിൽ ഈ ഗോത്രങ്ങൾ ഒരുമിച്ചിരുന്ന് ചർച്ചക്ക് തയ്യറാവുകയാണ് വേണ്ടത്. ലിബിയയിൽ നടക്കുന്ന ആഭ്യന്തര കലാപം എത്രയും വേഗം അവസാനിപ്പിക്കണമെന്ന് ഖത്തർ വിദേശകാര്യ മന്ത്രാലയം പുറത്തിറക്കിയ വാർത്താകുറിപ്പിൽ ആവശ്യപ്പെട്ടു. നിലവിലെ സൈനിക നീക്കം പ്രതിസന്ധി കൂടുതൽ സങ്കീർണമാക്കുകയാണ് ചെയ്യുക. ലിബിയയിൽ പരസ്പരം രക്തം ചിന്തുന്നത് അവസാനിപ്പിച്ച് ചേരി തിരിഞ്ഞ് നിൽക്കുന്നവരെ ചർച്ചക്ക് സന്നദ്ധമാക്കാൻ രാജ്യാന്തര വേദികൾ സജീവമായി ഇടപെടണമെന്നും ഖത്തർ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.