ദോഹ: പൊതു–സ്വകാര്യ മേഖലാ പങ്കാളിത്തം നിയന്ത്രിച്ചു കൊണ്ടുള്ള പുതിയ നിയമം രാജ്യത്തിെൻറ സാമ്പത്തിക വളർച്ചയിലും വികാസത്തിലും സ്വകാര്യമേഖലയുടെ പങ്കാളിത്തത്തിലുള്ള ഖത്തർ ഭരണകൂടത്തിെൻറ ആത്മവിശ്വാസത്തെയാണ് പ്രതിഫലിപ്പിക്കുന്നതെന്ന് വാണിജ്യ വ്യവസായമന്ത്രി അലി ബിൻ അഹ്മദ് അൽ കുവാരി. അമീർ ശൈഖ് തമീം ബിൻ ഹമദ് ആൽഥാനി കഴിഞ്ഞ ദിവസമാണ് പൊതു–സ്വകാര്യ മേഖലാ പങ്കാളിത്തം നിയന്ത്രിച്ച് കൊണ്ടുള്ള പുതിയ നിയമത്തിന് അംഗീകാരം നൽകിയത്. പൊതുമേഖലക്കും സ്വകാര്യ മേഖലക്കും ഇടയിൽ ശക്തവും ഫലപ്രദവുമായ പങ്കാളിത്തവും സഹകരണവും ഉറപ്പുവരുത്തുന്നതിൽ പുതിയ നിയമം നിർണായകമാകുമെന്നും മേഖലാ അന്തർദേശീയ പ്രതിസന്ധികൾക്കിടയിലും ഖത്തർ സാമ്പത്തിക വ്യവസ്ഥയുടെ ശാക്തീകരണത്തിൽ നിയമം വലിയ പങ്ക് വഹിക്കുമെന്നും അലി ബിൻ അഹ്മദ് അൽ കുവാരി വ്യക്തമാക്കി.
രാജ്യത്തെ വമ്പൻ പദ്ധതികളുടെ നടത്തിപ്പിൽ സ്വകാര്യ–പൊതു മേഖലകളുടെ പങ്കാളിത്തം ഉറപ്പാക്കുന്നതിൽ വർഷങ്ങളുടെ പഴക്കമുണ്ടെന്നും നേരിട്ടും സർക്കാർ ഏജൻസികൾ വഴിയും വിവിധ പദ്ധതികളിൽ ഇരു കക്ഷികളുടെയും പങ്കാളിത്തം പ്രകടമാണെന്നും ഭക്ഷ്യസുരക്ഷാ പദ്ധതികൾ, വിദ്യാഭ്യാസ ആരോഗ്യ സംവിധാനങ്ങൾ,സെൻട്രൽ മാർക്കറ്റുകൾ, ലോജിസ് റ്റിക് മേഖലാ, ലോ–കോസ്റ്റ് വെയർഹൗസ് എന്നിവ ഉദാഹരണങ്ങളാണെന്നും അൽ കുവാരി ചൂണ്ടിക്കാട്ടി.ഖത്തർ ചേംബറുമായും വിവിധ സർക്കാർ ഏജൻസികളുമായും വാണിജ്യ വ്യവസായ മന്ത്രാലയം നടത്തിയ പഠനങ്ങളുടെ ഫലമാണ് നിയമമെന്ന് വാണിജ്യ വ്യവസായ മന്ത്രാലയം വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.