ദോഹ: കോവിഡ്-19 വ്യാപനം തടയുന്നതിനും പ്രതിരോധ പ്രവർത്തനങ്ങൾ ഊർജിതമാക്കുന്നതിനുമുള്ള മുൻകരുതൽ നടപടികളുടെ ഭാഗമായി പാസ്പോർട്ട് ഡയറക്ടറേറ്റിലും സേവന കേന്ദ്രങ്ങളിലും സന്ദർശകർക്ക് നിയന്ത്രണം. ആഭ്യന്തര മന്ത്രാലയത്തിെൻറ വെബ്സൈറ്റ് വഴിയും മെട്രാഷ് 2 ആപ്പ് വഴിയും പൂർത്തിയാകാത്ത സേവനങ്ങൾ മാത്രമേ ഇനി പാസ് പോർട്ട് ഡയറക്ടറേറ്റിലും സേവന കേന്ദ്രങ്ങളിലും സ്വീകരിക്കുകയുള്ളുവെന്ന് ആഭ്യന്തരമന്ത്രാലം അറിയിച്ചു.
കോവിഡ്-19 പശ്ചാത്തലത്തിൽ കൂടുതൽ സേവനങ്ങൾ ആഭ്യന്തര മന്ത്രാലയം ഒൺലൈൻ വഴിയാക്കിയിട്ടുണ്ട്. നിലവിൽ വ്യക്തികൾക്കും കമ്പനികൾക്കുമായി 200ലധികം സേവനങ്ങളാണ് മെട്രാഷ് 2ലും മന്ത്രാലയത്തിെൻറ വെബ്സൈറ്റിലും ലഭ്യമായിരിക്കുന്നത്. വാഹന ലൈസൻസുകൾ പുതുക്കുക, ദേശീയ മേൽവിലാസ രെജിസ്േട്രഷൻ, താമസാനുമതി പുതുക്കുക, വിസ കാലാവധി നീട്ടുക, ഗതാഗത നിയമലംഘന പിഴകൾ അടക്കുക തുടങ്ങിയവ ഒൺലൈൻ വഴി ചെയ്യാൻ കഴിയും.
വാഹനങ്ങളുടെ നമ്പർ പ്ലേറ്റുകൾ മാറ്റുക, വാഹനങ്ങൾ റദ്ദാക്കുക, ക്രിമിനൽ കുറ്റങ്ങൾ സംബന്ധിച്ച് പരാതി രജിസ്റ്റർ ചെയ്യുക, നവജാത ശിശുക്കളെ ദേശീയ മേൽവിലാസത്തിൽ ചേർക്കുക, യാത്രാ അറിയിപ്പുകൾ തുടങ്ങി നിരവധി സേവനങ്ങളാണ് ഈയടുത്തായി ഒൺലൈൻ വഴിയാക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.