ദോഹ: കോവിഡ്–19 രോഗബാധിതരെയും രോഗികളുമായി സമ്പർക്കം പുലർത്തിയവരെയും കണ്ടെത്തുന്നതിനുമായി ജനങ്ങളെ സഹായിക ്കാൻ സർക്കാർ പുറത്തിറക്കിയ ഇഹ്തിറാസ് (Ehteraz) ആപ്പ് ആപ്പിളിെൻറ ആപ്പ് സ്റ്റോറിൽ ലഭ്യം. ഇഹ്തിറാസ് എന്ന അറബി വാക് കിൻെറ അർഥം ജാഗ്രത എന്നാണ്. ആരോഗ്യ മന്ത്രാലയത്തിെൻറ ഡാറ്റാബേസുമായി ബന്ധിപ്പിച്ച് മൊബൈൽ ഫോണിലെ ജി.പി.എസ്, ബ്ലൂടൂത്ത് ടെക്നോളജികൾ ഉപയോഗിച്ചാണ് ആപ്പ് പ്രവർത്തിക്കുക.
നാല് പ്രത്യേക വർണങ്ങളിൽ ആപ്പിലൂടെ ആളുകൾക്ക് തങ്ങൾ കൊറോണ വൈറസിൽ നിന്ന് എത്രത്തോളം അകലെയാണ് അല്ലെങ്കിൽ അടുത്താണ് എന്നറിയാനാകും. ഇതിനായി പച്ച, ഗ്രേ, മഞ്ഞ, ചുവപ്പ് എന്നീ വർണങ്ങളാണ് ഉണ്ടാവുക. പച്ചക്കളർ ആണെങ്കിൽ രോഗത്തിൽ നിന്ന് മുക്തനാണെന്നും ആരോഗ്യവാനാണെന്നുമാണ് അർഥം. ഗ്രേ കളറാണെങ്കിൽ കൊറോണ ൈവറസ് ബാധിച്ചയാളുമായി ഏതെങ്കിലും തരത്തിൽ നിങ്ങൾ ബന്ധപ്പെട്ടിട്ടുണ്ടാവാം എന്നാണ്. മഞ്ഞ കളർ ആണെങ്കിൽ നിങ്ങൾ സമ്പർക്ക വിലക്കിലുള്ളതോ അതോ സമ്പർക്ക വിലക്കിൽ കഴിഞ്ഞിരുന്നയാളോ എന്നാണ്. ചുവപ്പ് കളർ ആണെങ്കിൽ നിങ്ങൾക്ക് വൈറസ് ബാധയുണ്ടായി എന്നാണ് അർഥം.
രാജ്യത്തെ ആരോഗ്യമന്ത്രാലയത്തിൻെറ സ്ഥിതിവിവരക്കണക്കുമായി ഈ ആപ്പ് ബന്ധിപ്പിച്ചിട്ടുണ്ടാവും. ജനങ്ങളുെട ആരോഗ്യനില മനസിലാക്കാനും വൈറസ് ബാധിച്ചയാളുകളെ പെെട്ടന്ന് തിരിച്ചറിയാനും ചികിൽസ നൽകാനും ഇതിലൂടെ ആരോഗ്യമന്ത്രാലയം അധികൃതർക്ക് കഴിയും. ആപ്ലിക്കേഷൻ ഉപയോഗിക്കുന്ന വ്യക്തി കോവിഡ്–19 പോസിറ്റീവാണെങ്കിൽ അദ്ദേഹത്തിെൻറ ഫോൺ കോൺടാക്റ്റുകളിലും ഇത് സംബന്ധിച്ച് ജാഗ്രതാ മുന്നറിയിപ്പെത്തും. ആപ്പ് ഉപയോഗിക്കുന്നതിലൂടെ വ്യക്തികളുടെ സ്വകാര്യത ഒരിക്കലും പുറത്തുപോകുന്നില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.