ഹൃദയ സംബന്ധമായ അസുഖമുള്ളവര്‍ കോവിഡ് 19ൻെറ വ്യാപനത്തെ കുറിച്ച് ഭീതിപ്പെടേണ്ടതില്ല. ജാഗ്രതയോടെ സമീപിച്ചാല്‍ മ തി. ഹൃദ്രോഗം പോലുള്ള ആരോഗ്യ പ്രശ്നങ്ങളുള്ളവര്‍ക്ക് കോവിഡ് 19ൻെറ അപകട സാധ്യത വളരെയധികമാണ്. ഇതിനാൽ കൂടുതല്‍ മുന്നൊരുക്കങ്ങള്‍ നടത്തണം. ഹൃദയ സംബന്ധമായ അസുഖമുള്ളവര്‍ക്ക് വൈറസ് പിടിപെടാനുള്ള സാധ്യത കൂടുതലാണെന്നതിന് നിലവില്‍ തെളിവുകളൊന്നുമില്ലെന്ന് ഹമദ് മെഡിക്കല്‍ കോര്‍പറേഷനിലെ സീനിയര്‍ കണ്‍സള്‍ട്ടൻറ് കാര്‍ഡിയോളജിസ്റ്റ് ഡോ. ഉമര്‍ അല്‍ തമീമി പറഞ്ഞു. എന്നാല്‍ ലഭ്യമായ കണക്കുകള്‍ പ്രകാരം ആരോഗ്യ പ്രശ്നങ്ങളുള്ളവര്‍ക്കാണ് വൈറസ് ബാധ കൂടുതല്‍ പ്രശ്നങ്ങള്‍ സൃഷ്ടിക്കുന്നത്. ഹൃദ്രോഗികള്‍ക്ക് പ്രതിരോധം തന്നെയാണ് പ്രധാനം.
വൈറസ് പ്രധാനമായും ശ്വാസകോശങ്ങളെയാണ് ആക്രമിക്കുന്നത്. ഹൃദയത്തിന് ബലക്കുറവുണ്ടെങ്കില്‍ രക്തധമനികള്‍ തടസ്സപ്പെടാനും അതുവഴി ഓക്സിജനും രക്തവും ശരീരത്തിലേക്ക് പ്രസരിപ്പിക്കാനുള്ള ശേഷി കുറയുകയും ചെയ്യും.കൈകള്‍ കൊടുക്കുന്നതും ചുംബിക്കുന്നതും കെട്ടിപ്പിടിക്കുന്നതും ഒഴിവാക്കുകയും ആളുകള്‍ കൂടുതലുള്ള സ്ഥലങ്ങളില്‍ പോകാതിരിക്കുകയുമാണ് വേണ്ടത്. കോവിഡ് 19 പോലുള്ള രോഗങ്ങള്‍ ആള്‍ക്കൂട്ടത്തിലൂടെയാണ് പെട്ടെന്ന് പകരുന്നത്. ശരിയായ ഭക്ഷണക്രമം പാലിക്കുന്നതിന് പ്രാധാന്യമുണ്ട്. ധാരാളം പഴങ്ങളും പച്ചക്കറികളും കഴിക്കണം. വ്യായാമവും കൃത്യമായ ഉറക്കവും വേണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.