ദോഹ: ഖത്തറിലെ വിസ നടപടിക്രമങ്ങൾ സ്വന്തം നാട്ടിൽവെച്ച് തന്നെ പൂർത്തിയാക്കാൻ പ്രവാസികൾക്ക് അവസരമൊരുക്കുന്നതിെൻറ ഭാഗമായി ആദ്യ വിസ സേവന കേന്ദ്രം ശ്രീലങ്കയിൽ ആരംഭിച്ചു. എട്ട് രാജ്യങ്ങളിലായി 20 വിസ സേവന കേന്ദ്രങ്ങൾ ആരംഭിക്കുന്നതിെൻറ തുടക്കമായാണ് കൊളംബോയിൽ വ്യാഴാഴ്ച ആദ്യ കേന്ദ്രം ആരംഭിച്ചത്. കൊളംബോയിെല ഖത്തറിെൻറ അംബാസഡർ ഡോ. റാശിദ് ബിൻ ശഫാഇൗ അൽ മാറി ഉദ്ഘാടനം ചെയ്തു. ഖത്തർ തൊഴിൽ കാര്യ മന്ത്രാലയം, വിദേശകാര്യ മന്ത്രാലയം, ആഭ്യന്തര മന്ത്രാലയം തുടങ്ങിയവയിലെ പ്രമുഖരും ശ്രീലങ്കൻ മന്ത്രിമാർ അടക്കം ഉന്നത ഉദ്യോഗസ്ഥരും ഉദ്ഘാടന ചടങ്ങിൽ സംബന്ധിച്ചു.
ശ്രീലങ്കയും ഖത്തറും തമ്മിലെ അടുത്ത ബന്ധത്തിെൻറ തെളിവാണ് കൊളംബോയിൽ പ്രഥമ വിസ സേവന കേന്ദ്രം ആരംഭിക്കാൻ കാരണമെന്ന് അംബാസഡർ പറഞ്ഞു. കൊച്ചിയിൽ അടക്കം ഇന്ത്യയിലെ ഖത്തർ വിസ സേവന കേന്ദ്രങ്ങൾ നവംബർ അവസാനത്തോടെ പ്രവർത്തനം ആരംഭിക്കും. വിസക്ക് വേണ്ട എല്ലാ നടപടിക്രമങ്ങളും സ്വന്തം നാട്ടിൽ തന്നെ പൂർത്തിയാക്കാനും ഖത്തറിലേക്ക് എത്തിയാലുടൻ േജാലിയിൽ പ്രവേശിക്കാനും സാധിക്കുന്ന രീതിയിലാണ് വിസ സേവന കേന്ദ്രങ്ങൾ രൂപകൽപന ചെയ്തിരിക്കുന്നത്. തൊഴിൽ കരാറുകൾ ഒപ്പിടൽ, മെഡിക്കൽ പരിശോധന, ഫിംഗർപ്രിൻറ് തുടങ്ങിയവയെല്ലാം വിസ സേവന കേന്ദ്രത്തിൽ ചെയ്യാൻ സാധിക്കും. പാക്കിസ്ഥാൻ, ബംഗ്ലാദേശ്, നേപ്പാൾ, തുനീഷ്യ, ഫിലിപ്പൈൻസ്, ഇന്തോനേഷ്യ എന്നീ രാജ്യങ്ങളിലും ഖത്തർ വിസ കേന്ദ്രങ്ങൾ തുറക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.