ദോഹ: ചൂടിന് ശക്തി കൂടി വരുന്ന സാഹചര്യത്തിൽ പുറം തൊഴിലാളികളുടെ ജോലി സമയം തൊഴിൽ–സാമൂഹിക ക്ഷേമ മന്ത്രാലയം പുനക്രമീകരിച്ചു.
ജൂൺ 15 മുതൽ ആഗസ്റ്റ് 31 വരെ രാവിലെ പതിനൊന്നര മുതൽ മൂന്ന് വരെ വിശ്രമം അനുവദിക്കണമെന്ന കർശന നിർദേശമാണ് നൽകിയിരിക്കുന്നത്.
2007ലെ പതിനാറാം നമ്പർ മന്ത്രിതല തീരുമാനത്തിെൻറ ഭാഗമായാണിത്.
മന്ത്രാലയം അനുവദിച്ച സമയ ക്രമം കമ്പനികൾ നിർബന്ധമായും പാലിച്ചിരിക്കണമെന്ന് നിർദേശത്തിൽ വ്യക്തമാക്കുന്നു. നിയമ വിരുദ്ധമായി ആരെങ്കിലും തൊഴിൽ ചെയ്യുന്നതിന് നിർബന്ധിച്ചാൽ മന്ത്രാലയത്തെ സമീപിക്കാവുന്നതാണ്.
കൂടാതെ തൊഴിലിടങ്ങളിൽ മന്ത്രാലയ പ്രതിനിധികൾ പ്രത്യേക പരിശോധന നടത്തുമെന്നും വാർത്താ കുറിപ്പിൽ വ്യക്തമാക്കി. മന്ത്രിതല തീരുമാനപ്രകാരം തൊഴിൽ സമയ സമയപട്ടിക തൊഴിലുടമകൾ തയ്യാറാക്കണം. ഇത് എല്ലാവർക്കും കാണാവുന്ന വിധത്തിൽ പ്രദർശിപ്പിക്കുകയും വേണം. നിയമം ലംഘിക്കുന്ന കമ്പനികൾ ഒരു മാസം കവിയാത്ത കാലയളവിലേക്ക് അടച്ചിടും എന്നും മന്ത്രാലയം മുന്നറിയിപ്പ് നൽകി. ഉഷ്ണകാല സമയ ക്രമം കർശനമായി പാലിക്കണമെന്ന് ഉറപ്പാക്കാൻ ലേബർ ഇൻസ്പെക്ടർമാർ കർശന പരിശോധന നടത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.