ഖത്തർ എയർവെയ്സിന് എയർലൈൻ ഓഫ് ദ ഇയർ അവാർഡ് 

ദോഹ: ഖത്തർ എയർവെയ്സിന് എയർ ട്രാൻസ്പോർട്ടി​െൻറ എയർലൈൻ ഓഫ് ദ ഇയർ അവാർഡ് ലഭിച്ചു. ഗ്രീസിലെ ഇകാലി ലേട്രാ റസിഡൻസിൽ നടന്ന ചടങ്ങിൽ അവാർഡ് ദാനം നടന്നു. ഖത്തർ എയർവെയ്സി​െൻറ നവീനത, മികച്ച സേവനവും ആതിഥേയത്വവും,  മുൻനിര ഉത്പന്ന രൂപകല്പന എന്നിവക്കുള്ള അംഗീകാരമായാണ് അവാർഡ് നൽകിയത്. അവാർഡ് ദാന ചടങ്ങിൽ ലോകത്തെ വിവിധ   മുൻനിര വിമാനകമ്പനി അധികൃതർ സംബന്ധിച്ചു.

 എയർ ട്രാൻസ്പോർട്ട് ന്യൂസ് വായനക്കാർ ഈ വർഷത്തെ മികച്ച വിമാന കമ്പനിയായി ഖത്തർ എയർവേയ്സിനെ തിരിഞ്ഞെടുത്തതിൽ അതിയായ ആഹ്ലാദവും വും അഭിമാനവുമുണ്ടെന്ന് ഖത്തർ എയർവേയ്സ് ഗ്രൂപ്പ് സി ഇ ഒ അക്ബർ അൽ ബാകിർ വാർത്താകുറിപ്പിൽ അറിയിച്ചു.   പാസഞ്ചർ ടെർമിനൽ എക്സോപോയിൽ നടന്ന സ്കൈട്രാക്സ് വേൾഡ് എയർപോർട്ട് അവാർഡിൽ ലോകത്തെ മികച്ച ആറാമത്തെ വിമാനത്താവളമായി ഹമദ് അന്താരാഷ്ട്ര വിമാനത്താവളത്തെ തിരഞ്ഞെടുത്തിരുന്നു.