പ്രവാസി ദോഹ 29 ാമത് ബഷീർ പുരസ്കാരം ഒ.എൽ. തോമസിന് കൈമാറിയപ്പോൾ
പ്രവാസി ദോഹ ബഷീർ പുരസ്കാരം ഒ.എൽ. തോമസിന് സമ്മാനിച്ചു
ദോഹ: പ്രവാസി ദോഹയുടെ 29 ാമത് ബഷീർ പുരസ്കാരം കായിക പ്രതിഭയും രാജ്യാന്തര അറ്റ്ലറ്റുമായ ഒ.എൽ. തോമസിന്. മെമന്റോയും പ്രശസ്തി പത്രവും കാഷ് അവാർഡും ഉൾപ്പെടുന്നതാണ് പുരസ്കാരം.
തൃശ്ശൂർ ജില്ലയിലെ പാവറട്ടി സ്വദേശിയായ അദ്ദേഹം അന്താരാഷ്ട്ര തലത്തിലും ദേശീയ തലത്തിലും മികച്ച നേട്ടങ്ങൾ കൈവരിച്ചിട്ടുണ്ട്. തൃശ്ശൂർ സാഹിത്യ അക്കാദമി എം.ടി. ഹാളിൽ നടന്ന പരിപാടിയിൽ വൈശാഖൻ മാഷ് ബഷീർ പുരസ്കാരം കൈമാറി. കാഷ് അവാർഡ് അനീസ് ബഷീറും പ്രശസ്തിപത്രം വിക്ടർ മഞ്ഞിലയും കൈമാറി. ചടങ്ങിൽ പ്രവാസി ദോഹ /പ്രവാസി ട്രസ്റ്റ് ഏർപ്പെടുത്തിയ പ്രൊഫ. എം.എൻ. വിജയൻ സ്മാരക എൻഡോവ്മെന്റ് സ്കോളർഷിപ്പ് അവാർഡ് പി.എച്ച്. അൽനക്ക് സാറ ജോസഫ് കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.