ദോഹ: ഹോങ്കോങ് ആസ്ഥാനമായുള്ള കാത്തേ പസിഫിക് എയർലൈൻസിെൻറ 9.6 ശതമാനം ഓഹരി ഇനി ഖത്തർ എയർവേയ്സിന് സ്വന്തം. ഇന്നലെയാണ് ഖത്തർ എയർവേയ്സ് ഇത് സംബന്ധിച്ച വിവരം പുറത്തുവിട്ടത്. ഇതോടെ കാത്തെ എയർലൈൻസിെൻറ ഏറ്റവും വലിയ മൂന്നാമത് ഓഹരിയുടമകളായി ഖത്തർ എയർവേയ്സ് മാറി. 662 മില്യൻ ഡോളറിെൻറ കരാറിലാണ് ഖത്തർ എയർവേയ്സ് ഹോങ്കോങ് എയർലൈൻസിെൻറ ഓഹരി സ്വന്തമാക്കിയതെന്ന് ബ്ലൂംബെർഗ് ന്യൂസ് റിപ്പോർട്ട് ചെയ്തു.
ലോകത്തിലെ ഏറ്റവും ശക്തമായ എയർലൈനുകളിലൊന്നാണ് കാത്തെ പസിഫികെന്ന് ഖത്തർ എയർവേയ്സ് സി.ഇ.ഒ അക്ബർ അൽ ബാകിർ പറഞ്ഞു.
അമേരിക്കൻ എയർലൈൻസിെൻറ 10 ശതമാനം ഓഹരി ഇക്കഴിഞ്ഞ ഓഗസ്റ്റിൽ വാങ്ങിയതിന് പിന്നാലെയാണ് കാത്തെ പസിഫികിലും ഖത്തർ എയർവേയ്സ് കൈവെച്ചിരിക്കുന്നത്. ഖത്തർ എയർവേയ്സിനെ സംബന്ധിച്ച് ഇത് ചാമ്പ്യൻ നേട്ടമെന്നാണ് സിംഗപ്പൂർ ആസ്ഥാനമായുള്ള കോറിൻ പി.എൻ.ജി ഗവേഷക കമ്പനി പ്രതികരിച്ചിരിക്കുന്നത്. ഇൻറർനാഷണൽ എയർലൈൻസിെൻറ 20 ശതമാനം, ചിലിയുടെ ലാറ്റം എയർലൈൻസ് ഗ്രൂപ്പിെൻറ 10 ശതമാനം, ഇറ്റലിയിലെ ഏറ്റവും വലിയ രണ്ടാമത്തെ കമ്പനിയായ മെറിഡിയാനയുടെ 49 ശതമാനം ഓഹരികളും ഖത്തർ എയർവേയ്സ് നേരത്തെ സജമിരി്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.