രക്ഷിതാക്കൾ രജിസ്​റ്റർ ചെയ്യൂ, കുട്ടികൾക്ക്​ വാക്​സിൻ എടുക്കാം

ദോഹ: ഖത്തറിൽ ഇനി മുതൽ 12 മുതൽ 15 വയസ്സുവരെ പ്രായക്കാർക്കും കോവിഡ്​ പ്രതിരോധ കുത്തിവെപ്പ്​ നൽകുന്നു. ഈ പ്രായത്തിലുള്ള കുട്ടികളുടെ രക്ഷിതാക്കൾക്ക്​ പ്രതിരോധ കുത്തിവെപ്പിന്​ രജിസ്​റ്റർ ചെയ്യാം. ആരോഗ്യമന്ത്രാലയത്തിൻെറ വെബ്​സൈറ്റായ www.moph.gov.qa യിലൂടെ മേയ്​ 16 മുതലാണ്​ രജിസ്​റ്റർ ചെയ്യേണ്ടതെന്ന്​ പൊതുജനാരോഗ്യമന്ത്രാലയം അറിയിച്ചു. നടപടികൾ പൂർത്തിയാകുന്ന മുറക്ക്​ പ്രൈമറി ഹെൽത്ത്​​ കെയർ കോർപറേഷനിൽനിന്ന്​ (പി.എച്ച്​.സി.സി) അറിയിപ്പ്​ ലഭിക്കും.

ഫൈസർ വാക്​സിനാണ്​ ഈ പ്രായത്തിലുള്ള കുട്ടികൾക്ക്​ നൽകുകയെന്ന്​ നേരത്തേതന്നെ മന്ത്രാലയം അറിയിച്ചിരുന്നു. നിലവിൽ രാജ്യത്ത്​ ഫൈസർ, മൊഡേണ വാക്​സ​ിനുകളാണ്​ എല്ലാവർക്കും സൗജന്യമായി നൽകുന്നത്​. ഫൈസർ 16 വയസ്സിനും അതിനു​മുകളിലും പ്രായമുള്ളവർക്കും മൊഡേണ 18 വയസ്സിനും അതിനുമുകളിലും പ്രായമുള്ളവർക്കുമാണ്​ നൽകുന്നത്​.

12നും 15നും ഇടയിൽ പ്രയമുള്ളവരിൽ നടത്തിയ പരീക്ഷണങ്ങളിൽ ഫൈസർ വാക്​സിൻ ഈ പ്രായക്കാർക്ക്​ കോവിഡിൽനിന്ന്​ പ്രതിരോധം നൽകുന്നു​െണ്ടന്നും വാക്​സിൻ സുരക്ഷിതമാണെന്നും തെളിഞ്ഞിട്ടുണ്ട്​. അമേരിക്കയിൽ ഈ പ്രായക്കാർക്ക്​ വാക്​സിൻ നൽകാൻ യു.എസ്​ ഫുഡ്​ ആൻഡ്​​​ ഡ്രഗ്​ അഡ്​മിനിസ്​ട്രേഷൻ അംഗീകാരം നൽകിയിട്ടുമുണ്ട്​. ഇതടക്കം ആഗോളതലത്തിൽ നടക്കുന്ന വിവിധ പഠനങ്ങളുടെയും പരീക്ഷണങ്ങളുടെയും അടിസ്ഥാനത്തിലാണ്​ ഖത്തറിലും ഈ പ്രായക്കാർക്ക്​ വാക്​സിൻ നൽകാൻ ആ​​േരാഗ്യമന്ത്രാലയം തീരുമാനമെടുത്തിരിക്കുന്നത്​. രാജ്യത്ത്​ വാക്​സിനുകൾ കോവിഡിനെതിരെ മികച്ച പ്രതിരോധം നൽകുന്നു​െണ്ടന്ന്​ കൃത്യമായ തെളിവുകൾ ലഭിച്ചിട്ടുണ്ട്​. രാജ്യത്ത്​ വാക്​നേഷൻ കാമ്പയിൽ വേഗത്തിൽ പുരോഗമിക്കുകയാണ്​.

കുട്ടികൾക്കുകൂടി വാക്​സിൻ ​നൽകുന്നതോടെ രോഗത്തിൽനിന്ന്​ അവരെ സംരക്ഷിക്കുക മാത്രമല്ല വിദ്യാഭ്യാസരംഗത്തെ അന്തരീക്ഷം കൂടുതൽ എളുപ്പമാക്കുകയുമാണ്​ ചെയ്യുകയെന്ന്​ അധികൃതർ പറയുന്നു.

സ്​കൂളുകളിൽ നിലവിലുള്ള നിയന്ത്രണങ്ങൾ കൂടുതൽ ഒഴിവാക്കപ്പെടുകയും പഴയ സാഹചര്യത്തിലേക്ക്​ കാര്യങ്ങൾ മാറുകയും ചെയ്യും. സാമൂഹികകാര്യങ്ങളിൽ കുട്ടികൾക്ക്​ കൂടുതൽ സ്വാതന്ത്ര്യവും ലഭിക്കും.നിലവിൽ കുട്ടികൾക്ക്​ മാളുകളിലടക്കം പ്രവേശനമില്ല. ഈ സ്ഥിതി അവർക്ക്​ വാക്​സ​ിൻ ലഭ്യമാകുന്നതോടെ മാറും.കുട്ടികളുടെ ശാരീരിക മാനസികാരോഗ്യം കൂടുതൽ ശക്തമാകാൻ ഇതിലൂടെ സാധിക്കും.

കോവിഡ്​ വാക്​സിൻെറ ഫലപ്രാപ്​തി ആറുമാസത്തിലധികം നീളുന്നതായി ആഗോളതലത്തിൽ ​െതളിവുകളുണ്ട്​. കുട്ടികൾക്കു​കൂടി വാക്​സിൻ നൽകുന്നതോടെ സാധാരണ ജീവിതത്തിലേക്ക്​ മടങ്ങിവരാനുള്ള വൻഅവസരമാണ്​ കൈവന്നിരിക്കുന്നത്​. വരുന്ന സെപ്​റ്റംബർ മുതൽ അടുത്ത സ്​കൂൾ വർഷം തുടങ്ങാനിരിക്കേ രാജ്യത്തെ വിദ്യാഭ്യാസരംഗവും കോവിഡിന്​ മുമ്പുള്ള അവസ്ഥയിലേക്ക്​ മടങ്ങിപ്പോകാൻ ഇത്​ ഇടയാക്കുമെന്നും ഈരംഗത്തുള്ളവർ പറയുന്നു.

സ്​കൂളിലടക്കമുള്ള കോവിഡ്​ നിയന്ത്രണങ്ങൾ ഒഴിവാക്കാനും ഈ പ്രായത്തിലുള്ള കുട്ടികൾക്ക്​ വാക്​സിൻ നൽകുന്നതിലൂടെ സാധ്യമാകും.മേയ്​ 28 മുതൽ കൂടുതൽ കോവിഡ്​ നിയന്ത്രണങ്ങൾ നീക്കുകയാണ്​. അന്നുമുതൽ സ്​കൂളുകൾ 30 ശതമാനം ശേഷിയിൽ ​​െബ്ലൻഡഡ്​ പാഠ്യരീതിയിൽ പ്രവർത്തനം പുനരാരംഭിക്കും.