ദോഹ: നോർവ ഖത്തറും ക്ലാസിക് ഖത്തറും ചേർന്നൊരുക്കിയ ഓണാഘോഷം ‘ഒന്നിച്ചോണം നല്ലോണം’ എന്നപേരിൽ ഐ.സി.സി അശോക ഹാളിൽ സംഘടിപ്പിച്ചു. നിറഞ്ഞ സദസ്സിന് മുന്നിൽ പഴയതും പുതിയതുമായ നിരവധി പാട്ടുകൾക്ക് പുറമെ ചെണ്ടമേളം, ക്ലാസിക്കൽ ഡാൻസ്, കോമഡി സ്കിറ്റ് തുടങ്ങി വൈവിധ്യമാർന്ന പരിപാടികളും അവതരിപ്പിച്ചു.
ഇന്ത്യൻ എംബസി കൗൺസിലർ ഡോ. വൈഭവ് ടണ്ടാലെ മുഖ്യാതിഥിയായ ചടങ്ങിൽ ഐ.സി.സി പ്രസിഡന്റ് എ.പി. മണികണ്ഠൻ, ജനറൽ സെക്രട്ടറി അബ്രഹാം ജോസഫ്, സെക്രട്ടറി പ്രദീപ് പിള്ളൈ, വൈസ് പ്രസിഡന്റ് സന്ധനു, ഐ.ബി.പി.സി പ്രസിഡന്റ് ത്വാഹ മുഹമ്മദ്, ലോക കേരള സഭാംഗം അബ്ദുൽ റഊഫ് കൊണ്ടോട്ടി, അഡ്വ. ജാഫർ ഖാൻ കേച്ചേരി തുടങ്ങിയവർ വിശിഷ്ട അതിഥികളായി സംബന്ധിച്ചു.\നോർവ ഖത്തർ പ്രസിഡന്റ് നിസാം അബ്ദുൽ സമദിന്റെ അധ്യക്ഷതയിൽ നടന്ന പരിപാടിയിൽ ജനറൽ സെക്രട്ടറി സിമിൻ ചന്ദ്രൻ, പ്രോഗ്രാം കോഓഡിനേറ്റർ താസീൻ അമീൻ, ഷഫീഖ്, ബിന്ദു ചന്ദ്രൻ എന്നിവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.