ദോഹ: നഹാൻ ക്രിക്കറ്റ് പ്രീമിയർ ലീഗിലെ (എൻ.പി.എൽ) ചാമ്പ്യൻമാർക്കുള്ള സമ്മാനവിതരണവും ടീം അംഗങ്ങളുെട കുടുംബസംഗമവും ഏപ്രിൽ ആറിന് വെള്ളിയാഴ്ച നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. ഉംസലാലിലെ ബർസാൻ യൂത്ത് സെൻററിൽ വൈകുന്നേരം ആറ് മുതലാണ് പരിപാടി. നഹാൻ പ്രീമിയർ ലീഗിെൻറ ഒന്നാംസീസണിെൻറ വൻവിജയത്തിന് ശേഷമാണ് രണ്ടാം സീസൺ നടത്തിയത്. ആദ്യടൂർണമെൻറിൽ ആകെ 10 ടീമുകളാണ് മൽസരിച്ചത്. രണ്ടാമത് ടൂർണമെൻറിൽ 28 ടീമുകളിലായി 650ഒാളം കളിക്കാർ ജഴ്സിയണിഞ്ഞു. താഴെതട്ടിലുള്ള താരങ്ങൾക്ക് പ്രചോദനവും അംഗീകാരവും നൽകുകയെന്ന ലക്ഷ്യവുമായാണ് ടൂർണമെൻറ് നടത്തുന്നത്. കഴിഞ്ഞ ഒക്ടോബറിൽ തുടങ്ങി മാർച്ച് 30നാണ് രണ്ടാം സീസൺ അവസാനിച്ചത്. ഫൈനലിൽ യാസ് സ്മാഷേഴ്സ് ആണ് വിജയിച്ചത്. ചാമ്പ്യൻസ് ബോയ്സ് ആണ് രണ്ടാം സ്ഥാനക്കാർ.
വെള്ളിയാഴ്ച നടക്കുന്ന ചടങ്ങിൽ 175ഒാളം താരങ്ങൾക്കുള്ള വ്യക്തിഗത ട്രോഫികളും സമ്മാനിക്കും. റോയൽ ഫിനിക്സിെൻറ ശ്രീലങ്കൻ താരം പിരദീപൻ ആണ് ടൂർണമെൻറിലെ മികച്ച കളിക്കാരൻ. ജേയ് ആണ് മികച്ച ബാറ്റ്സ്മാൻ. ഇൻറർടെകിെൻറ ടിനിൻ ആണ് മികച്ച ബൗളർ. ഇന്ത്യ, പാകിസ്താൻ, ശ്രീലങ്കൻ സ്വദേശികളായ കളിക്കാരാണ് വിവിധ ടീമുകൾക്കായി കളത്തിലിറങ്ങിയത്. ഖത്തറിലെ ട്രൂത്ത് ഗ്രൂപ്പാണ് എൻ.പി.എല്ലിെൻറ പ്രായോജകർ. വെള്ളിയാഴ്ച വൈകുന്നേരം ആറ് മണിക്ക് നടക്കുന്ന ചടങ്ങിൽ ട്രൂത്ത് ഗ്രൂപ്പ് മാനേജിംഗ് ഡയറക്ടർ അബ്ദുസമദ് പരിപാടി ഉദ്ഘാടനം ചെയ്യും.ടൂർണമെൻറ് സംഘാടകസമിതി അംഗം ബിലാൽ നവദ്, ട്രൂത്ത് ഗ്രൂപ്പ് എം.ഡി. അബ്ദുസമദ്, ടൂർണമെൻറ് ചെയർമാൻ അലി ഹസൻ എന്നിവർ വാർത്താസമ്മേളനത്തിൽ പെങ്കടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.