ദേശീയ നീന്തല് മീറ്റിന് യോഗ്യത നേടിയ എം.ഇ.എസ് സ്കൂൾ
ദോഹ: സെപ്റ്റംബറിൽ ഒഡിഷയിൽ നടക്കുന്ന സി.ബി.എസ്.ഇ ദേശീയ നീന്തൽ മീറ്റിൽ പങ്കെടുക്കാൻ എം.ഇ.എസ് ഗേൾസ് ടീം യോഗ്യത നേടി.
ജൂൺ 16 മുതൽ 19 വരെ ഡി.പി.എസ് മോഡേൺ ഇന്ത്യൻ സ്കൂൾ ആതിഥേയത്വം വഹിച്ച സി.ബി.എസ്.ഇ ഖത്തർ ക്ലസ്റ്റർ നീന്തൽ ചാമ്പ്യൻഷിപ്പിൽ എം.ഇ.എസ് ഇന്ത്യൻ സ്കൂളിന്റെ നീന്തൽ ടീം മികച്ച പ്രകടനം കാഴ്ചവെച്ചു.
അണ്ടർ 17 പെൺകുട്ടികളുടെ വിഭാഗത്തിൽ 400 മീറ്റർ ഇനത്തിൽ നവമി നമ്പ്യാർ വെള്ളിമെഡലും, 800 മീറ്റർ ഫ്രീസ്റ്റൈൽ ഇനത്തിൽ വെങ്കലമെഡലും നേടി. അണ്ടർ 19 വിഭാഗത്തിൽ 200 മീറ്റർ ബട്ടർഫ്ലൈ ഇനത്തിൽ ഹന്നത്ത് ലിൻ ജോസി വെള്ളിമെഡലും സ്വന്തമാക്കി. ബോയ്സ് വിഭാഗത്തിൽ അൻഷിഫ് മിധിലാജ് 400 മീറ്റർ ഫ്രീസ്റ്റൈൽ ഇനത്തിൽ വെങ്കലമെഡലും, 200 മീറ്റർ ബ്രെസ്റ്റ്സ്റ്റോക്ക്, 100 മീറ്റർ ഫ്രീസ്റ്റൈൽ ഇനങ്ങളിൽ നിഹാൽ മുഹമ്മദ് ഷാഫി വെങ്കലമെഡലും നേടി.
ഈ ക്ലസ്റ്റർ മത്സരത്തിൽ എം.ഇ.എസ് സ്കൂൾ നീന്തൽ ടീം ആകെ ആറ് മെഡലുകൾ നേടി. മികച്ച പ്രകടനം കാഴ്ചവെച്ച വിദ്യാർഥികളെ സ്കൂൾ പ്രിൻസിപ്പൽ ഡോ. ഹമീദാ കാദർ, സ്കൂൾ ഉദ്യോഗസ്ഥർ എന്നിവർ അഭിനന്ദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.