ദോഹ: ഖത്തറുമായി സൗദി, യു.എ.ഇ തുടങ്ങിയ രാജ്യങ്ങൾ നയതന്ത്ര ബന്ധം വിച്ഛേദിച്ച സംഭവത്തിൽ, അനുരഞ്ജനത്തിനായി ഖത്തറിലെത്തിയ കുവൈത്ത് അമീർ ശൈഖ് സബാഹ് അൽഅഹ്മദ് അൽ ജാബിർ അൽ സബാഹ് ഖത്തർ അമീർ ശൈഖ് തമീം ബിൻ ഹമദ് ആൽഥാനിയുമായി ചർച്ച നടത്തി.
ബുധനാഴ്ച്ചയാണ് കുവൈത്ത് അമീർ ദുബായിൽ നിന്ന് ദോഹയിലെത്തിയത്.
രാജ്യത്ത് എത്തിയ ശൈഖ് സബാഹ് അൽഅഹ്മദ് അൽ ജാബിർ അൽ സബാഹിക്ക് ഉജ്ജ്വല സ്വീകരണമാണ് ലഭിച്ചത്. അദ്ദേഹത്തെ സ്വീകരിച്ചാനയിക്കാൻ അമീറും മന്ത്രിമാരും ഒൗദ്യോഗിക പ്രതിനിധികളും എത്തിയിരുന്നു. തുടർന്ന് നടന്ന കൂടിക്കാഴ്ച്ചയും സൗഹാർദ്ദപരമായിരുന്നു. ഗൾഫ് മേഖലയിൽ ഉണ്ടായിരിക്കുന്ന പ്രതിസന്ധി പരിഹരിക്കാൻ കുവൈത്ത് അമീർ നടത്തുന്ന പരിശ്രമങ്ങൾക്ക് ഖത്തർ അമീർ നന്ദിയും അഭിനന്ദനവും അറിയിച്ചു. കുവൈത്ത് അമീറിെൻറ ഇടപെടലിനെ പൊതുവെ ഏവരും പ്രതീക്ഷയോടെയാണ് കാണുന്നത്. എന്നാൽ കൂടിക്കാഴ്ച്ചയുടെ വിശദാംശങ്ങൾ അറിവായിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.