കെ.എം.സി.സി മലപ്പുറം ജില്ല കമ്മിറ്റി പുരസ്കാരം കമ്യൂണിറ്റി പൊലീസ് ബോധവത്കരണ വിഭാഗം ഉദ്യോഗസ്ഥൻ അബ്ദുൽ അസീസ് അൽ മുഹന്നദി കെ.ഇ. അഷ്റഫിന് സമ്മാനിക്കുന്നു
ദോഹ: ബലിപെരുന്നാൾ ദിനത്തിൽ അൽഖോറിലെ ദഖീറ ബീച്ചിൽ അപകടത്തിൽപെട്ട മലയാളി കുടുംബത്തിലെ രണ്ടു കുട്ടികളെ രക്ഷപ്പെടുത്തിയ മലപ്പുറം കീഴ്പറമ്പ് സ്വദേശി കെ.ഇ. അഷറഫിന് ഖത്തർ കെ.എം.സി.സി മലപ്പുറം ജില്ല കമ്മിറ്റിയുടെ ധീരതാപുരസ്കാരം ആഭ്യന്തര മന്ത്രാലയത്തിലെ കമ്യൂണിറ്റി പൊലീസ് ബോധവത്കരണ വിഭാഗം ഉന്നത ഉദ്യോഗസ്ഥൻ അബ്ദുൽ അസീസ് അൽ മുഹന്നദി സമ്മാനിച്ചു.
ഐ.സി.സി അശോക ഹാളിൽ ശനിയാഴ്ച നടന്ന ചടങ്ങിൽ കെ.എം.സി.സി ജില്ല പ്രസിഡൻറ് കെ. മുഹമ്മദ് ഈസ്സ അധ്യക്ഷത വഹിച്ചു.സംസ്ഥാന പ്രസിഡൻറ് എസ്.എ.എം. ബഷീർ ഉദ്ഘാടനം ചെയ്തു.
കമ്യൂണിറ്റി പൊലീസിങ് വിഭാഗം ഉദ്യോഗസ്ഥൻ ഡോ. കെ.എം. ബഹാവുദ്ദീൻ, ഐ.സി.സി പ്രസിഡൻറ് പി.എൻ. ബാബുരാജൻ, ഐ.സി.സി ജനറൽ സെക്രട്ടറി കൃഷ്ണകുമാർ, ഇന്ത്യൻ സ്പോർട്സ് സെൻറർ വൈസ് പ്രസിഡൻറ് ഷെജി വലിയകത്ത്, ഐ.ബി.പി.സി പ്രസിഡൻറ് ജാഫർ സാദിഖ്, ജില്ല ട്രഷറർ അലി മൊറയൂർ തുടങ്ങിയവർ സംസാരിച്ചു. ആക്ടിങ് ജനറൽ സെക്രട്ടറി മുഹമ്മദ് ലയിസ് കുനിയിൽ സ്വാഗതവും സെക്രട്ടറി യൂനുസ് കടമ്പോട്ട് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.