കഹ്റമക്ക് രണ്ട് രാജ്യാന്തര സുസ്​ഥിരതാ പുരസ്​കാരങ്ങൾ

ദോഹ: ഖത്തർ ജനറൽ ഇലക്ട്രിസിറ്റി ആൻഡ് വാട്ടർ കോർപറേഷൻ(കഹ്റമ) ക്ക് അഞ്ചാമത് ഗ്ലോബൽ ഗുഡ് ഗവേണൻസ്​ (3ജി)​െൻറ രണ്ട് പുരസ്​കാരങ്ങൾ. 
ലണ്ടൻ കേന്ദ്രീകരിച്ച് നടന്ന ഒൺലൈൻ ചടങ്ങിലാണ് ഖത്തർ ജല വൈദ്യുത കോർപറേഷന് പ്രസിദ്ധമായ 3ജി പുരസ്​കാരങ്ങൾ ലഭിച്ചിരിക്കുന്നത്. കഹ്റമയുടെ തർശീദ് േപ്രാഗ്രാമിനാണ് രണ്ട് കാറ്റഗറികളിലായി ഗ്ലോബൽ ഗുഡ് ഗവേണൻസ്​ 2020 പുരസ്​കാരങ്ങൾ ലഭിച്ചത്. സുസ്​ഥിരതാ രംഗത്തെ ലോക ചാമ്പ്യൻഷിപ്പ് എന്നാണ് 3ജി പുരസ്​കാരം അറിയപ്പെടുന്നത്. 2019ൽ തർശീദ് പദ്ധതിയിലൂടെ കഹ്റമയുടെ ജല–വൈദ്യുത സംരക്ഷണത്തിനാണ് ഒരു പുരസ്​കാരം ലഭിച്ചിരിക്കുന്നത്. 2019ൽ 7654489 മെഗാവാട്ട് മണിക്കൂറുകളും 33.78 മില്യൻ ഘനമീറ്റർ ജല ഉപഭോഗവുമാണ് കഹ്റമ ലാഭിച്ചത്. 

2020ലെ ക്രിയേറ്റിവിറ്റി അവാർഡും തർശീദിന് ലഭിച്ചു. തർശീദ് പിവി ഇലക്ട്രിക് വെഹിക്കിൾസ്​ ചാർജിംഗ് ആൻഡ് എനർജി സ്​റ്റോറേജ് െപ്രാജക്ടിനാണ് പുരസ്​കാരമെന്ന് കഹ്റമ അറിയിച്ചു.ഗവേണൻസ്​, പൊളിറ്റിക്കൽ ലീഡർഷിപ്പ്, കോർപറേറ്റ് സെക്ടർ ലീഡർഷിപ്പ് എന്നീ മേഖലകളിലാണ് 3ജി അവാർഡുകൾ നൽകുന്നത്. കോർപറേറ്റ് വിഭാഗത്തിലാണ് കഹ്റമ ജേതാക്കളായിരിക്കുന്നത്.