ഖത്തർ ഇന്ത്യൻ മീഡിയ ഫോറം ഫാമിലി മീറ്റിൽ പങ്കെടുത്തവർ
ദോഹ: ഖത്തറിലെ മാധ്യമ പ്രവർത്തകരുടെ കൂട്ടായ്മയായ ഇന്ത്യൻ മീഡിയ ഫോറം (ഐ.എം.എഫ്) കുടുംബ സംഗമം സംഘടിപ്പിച്ചു. ഓൾഡ് എയർപോർട്ട് റോഡിലെ എം.ആർ.എ റസ്റ്റാറന്റിൽ നടന്ന സംഗമത്തിൽ ഖത്തറിലെ വിവിധ മാധ്യമ സ്ഥാപനങ്ങളിൽനിന്നുള്ള പ്രതിനിധികളും കുടുംബാംഗങ്ങളും പങ്കെടുത്തു. ഐ.എം.എഫ് പ്രസിഡന്റ് ഫൈസൽ ഹംസ, റേഡിയോ മലയാളം സി.ഇ.ഒ അൻവർ ഹുസൈൻ, മുതിർന്ന മാധ്യമ പ്രവർത്തകരായ അഷ്റഫ് തൂണേരി, പ്രദീപ് മേനോൻ എന്നിവർ സംസാരിച്ചു. അന്തരിച്ച മുൻ ഭാരവാഹികളായ ഐ.എം.എ റഫീഖ്, പി.എ. മുബാറക് എന്നിവരെ ജനറൽ സെക്രട്ടറി ഷഫീഖ് അറക്കൽ അനുസ്മരിച്ചു.
ജോയന്റ് സെക്രട്ടറി ആർ.ജെ രതീഷ്, എക്സിക്യൂട്ടിവ് കമ്മിറ്റി അംഗം ആർ.ജെ. അപ്പുണ്ണി എന്നിവർ പരിപാടികൾക്ക് നേതൃത്വം നൽകി. ആർ.ജെ തുഷാര, ആർ.ജെ നിസ എന്നിവർ നിയന്ത്രിച്ചു. ട്രഷറർ കെ. ഹുബൈബ് നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.