ആ​ഘോ​ഷ​പ്പെ​രു​മ​ഴ​യു​മാ​യി ‘ഫീ​ൽ വി​ന്റ​ർ ഇ​ൻ ഖ​ത്ത​ർ’ കാ​മ്പ​യി​ൻ

ദോ​ഹ: ശൈ​ത്യ​കാ​ലം കൂ​ടു​ത​ൽ ആ​സ്വാ​ദ്യ​ക​ര​മാ​ക്കു​ന്ന​തി​ന് വ്യ​ത്യ​സ്​​ത​മാ​യ ആ​ഘോ​ഷ പ​രി​പാ​ടി​ക​ളു​മാ​യി ‘ഫീ​ൽ വി​ന്റ​ർ ഇ​ൻ ഖ​ത്ത​ർ’ കാ​മ്പ​യി​ൻ ഖ​ത്ത​ർ ടൂ​റി​സ​വും ഖ​ത്ത​ർ എ​യ​ർ​വേ​സും ചേ​ർ​ന്ന് പ്ര​ഖ്യാ​പി​ച്ചു. കു​ടും​ബ-​സൗ​ഹൃ​ദ പ്ര​വ​ർ​ത്ത​ന​ങ്ങ​ൾ, അ​ത്​​ല​റ്റി​ക് ഇ​വ​ന്റു​ക​ൾ, സം​ഗീ​ത പ​രി​പാ​ടി​ക​ൾ, ഭ​ക്ഷ്യ, ഷോ​പ്പി​ങ് ജ്വ​ല്ല​റി പ്രേ​മി​ക​ൾ​ക്കു​ള്ള പ്ര​ത്യേ​ക പ​രി​പാ​ടി​ക​ൾ എ​ന്നി​വ​യു​ൾ​പ്പെ​ടു​ന്ന​താ​ണ് കാ​മ്പ​യി​ൻ.

മി​ന ഹോ​ട്ട​ൽ ആ​ൻ​ഡ് റെ​സി​ഡ​ൻ​സി​ൽ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ ഖ​ത്ത​ർ ടൂ​റി​സം ചെ​യ​ർ​മാ​നും ഖ​ത്ത​ർ എ​യ​ർ​വേ​സ്​ ഗ്രൂ​പ് സി.​ഇ.​ഒ​യു​മാ​യ അ​ക്ബ​ർ അ​ൽ ബാ​കി​ർ, ഖ​ത്ത​ർ ടൂ​റി​സം ഷെ​യേ​ർ​ഡ് സ​ർ​വി​സ​സ്​ വി​ഭാ​ഗം മേ​ധാ​വി ഒ​മ​ർ അ​ൽ ജാ​ബി​ർ, ഖ​ത്ത​ർ ടൂ​റി​സം മാ​ർ​ക്ക​റ്റി​ങ് ആ​ൻ​ഡ് പ്ലാ​നി​ങ് മേ​ധാ​വി ശൈ​ഖ ഹി​സ്സ ആ​ൽ​ഥാ​നി എ​ന്നി​വ​ർ പ​ങ്കെ​ടു​ത്തു. അ​ഞ്ചാം ത​വ​ണ​യും ഡ​കാ​ർ റാ​ലി കി​രീ​ടം നേ​ടി​യ ഖ​ത്ത​രി റാ​ലി ഡ്രൈ​വ​ർ നാ​സ​ർ അ​ബ്ദു​ല്ല അ​ൽ അ​തി​യ്യ ഖ​ത്ത​ർ ടൂ​റി​സ​ത്തി​ന്റെ പു​തി​യ അം​ബാ​സ​ഡ​റാ​യി നി​യ​മി​ക്ക​പ്പെ​ട്ട​താ​യും വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

ലോ​ക​ക​പ്പ് ഫു​ട്ബാ​ളു​മാ​യി ബ​ന്ധ​പ്പെ​ട്ട് ഹോ​ട്ട​ലു​ക​ൾ, ഷോ​പ്പി​ങ് മാ​ളു​ക​ൾ, പൊ​തു ബീ​ച്ചു​ക​ൾ തു​ട​ങ്ങി നി​ര​വ​ധി ഓ​പ​ണി​ങ്ങു​ക​ൾ ഖ​ത്ത​ർ അ​വ​ത​രി​പ്പി​ച്ച​താ​യും ഇ​വ​യെ​ല്ലാം രാ​ജ്യ​ത്തി​ന്റെ ആ​തി​ഥ്യ​മ​ര്യാ​ദ, വി​നോ​ദ, ടൂ​റി​സം ലാ​ൻ​ഡ്സ്​​കേ​പ്പു​ക​ളെ ശ​ക്തി​പ്പെ​ടു​ത്തു​ന്ന​തോ​ടൊ​പ്പം വൈ​വി​ധ്യ​വ​ത്ക​രി​ക്കു​ക​യും ചെ​യ്യു​ന്നു​വെ​ന്ന് ഖ​ത്ത​ർ എ​യ​ർ​വേ​സ്​ സി.​ഇ.​ഒ അ​ക്ബ​ർ അ​ൽ ബാ​കി​ർ പ​റ​ഞ്ഞു.‘ന​മ്മു​ടെ രാ​ജ്യ​ത്തെ ലോ​കം ശ്ര​ദ്ധി​ച്ചു​തു​ട​ങ്ങി​യി​രി​ക്കു​ന്നു.

ഇ​പ്പോ​ൾ ആ​ഗോ​ള വി​നോ​ദ​സ​ഞ്ചാ​ര മേ​ഖ​ല​യി​ലെ ഏ​റ്റ​വും പ്ര​ധാ​ന കേ​ന്ദ്ര​ങ്ങ​ളി​ലൊ​ന്നാ​ണ് ഖ​ത്ത​ർ. 2030ഓ​ടെ പ്ര​തി​വ​ർ​ഷം 60 ല​ക്ഷം സ​ന്ദ​ർ​ശ​ക​രെ രാ​ജ്യം സ്വീ​ക​രി​ക്കാ​ൻ ല​ക്ഷ്യ​മി​ടു​ന്നു​ണ്ട്. ടൂ​റി​സ​ത്തി​ന്റെ പു​തി​യ​തും ആ​വേ​ശ​ക​ര​വു​മാ​യ അ​ധ്യാ​യം വ​രും വ​ർ​ഷ​ത്തി​ലും പ്ര​തീ​ക്ഷി​ക്കു​ന്ന​താ​യി അ​ൽ ബാ​കി​ർ പ​റ​ഞ്ഞു. ഖ​ത്ത​ർ അ​തി​ന്റെ ക​ഥ​യു​ടെ അ​ടു​ത്ത ഭാ​ഗ​ത്തേ​ക്ക് നീ​ങ്ങു​മ്പോ​ൾ പ​ര​മ്പ​രാ​ഗ​ത പൈ​തൃ​ക​ത്തി​ലും സം​സ്​​കാ​ര​ത്തി​ലും ഉ​റ​ച്ചു​നി​ന്നാ​ണ് ഭാ​വി​യി​ലേ​ക്ക് ഉ​റ്റു​നോ​ക്കു​ന്ന​തെ​ന്നും അ​ദ്ദേ​ഹം വ്യ​ക്ത​മാ​ക്കി.