ദോഹ: സമൂഹത്തിലെ കുറ്റകൃത്യങ്ങളും ലഹരി ഉപയോഗവും തടയുന്നതിലും നിയന്ത്രിക്കുന്നതിലും മാധ്യമങ്ങൾക്ക് സഹായിക്കാൻ സാധിക്കുമെന്നും ഇക്കാര്യത്തിൽ മാധ്യമങ്ങളുടെ പങ്കാളിത്തം വളരെ പ്രാധാന്യമേറിയതാണെന്നും പബ്ലിക് സെക്യൂരിറ്റി ഡയറക്ടർ ജനറൽ സ്റ്റാഫ് മേജർ ജനറൽ സഅദ് ബിൻ ജാസിം അൽ ഖുലൈഫി പറഞ്ഞു. ലോകം ഇന്ന് ഒരു ഗ്രാമമായി ചുരുങ്ങിയിരിക്കുകയാണെന്നും ലോകത്തിെൻറ ഏത് കോണിൽ നിന്നും എപ്പോൾ വേണമെങ്കിലും ജനങ്ങൾക്ക് വിവരങ്ങൾ കൈമാറാനും ആശയങ്ങൾ പങ്ക് വെക്കാനും സാധിക്കുമെന്നും അദ്ദേഹം കൂട്ടിച്ചേർത്തു. ഡ്രഗ്സ് ആൻഡ് ആൽക്കഹോൾ അഫയേഴ്സ് പെർമനൻറ് കമ്മിറ്റി കതാറയിൽ സംഘടിപ്പിച്ച പ്രഥമ മാധ്യമ ഫോറത്തിൽ സംസാരിക്കുകയായിരുന്നു അൽ ഖുലൈഫി.
മാധ്യമങ്ങളുടെ പ്രാധാന്യം ദിനം പ്രതി വർധിച്ചുവരികയാണെന്നും സമൂഹത്തിലെ കുറ്റകൃത്യങ്ങൾക്കും ലഹരി ഉപയോഗങ്ങൾക്കും നിയന്ത്രണം വരുത്തുന്നതിലും ലഹരി ഉപയോഗത്തിെൻറ അപകടങ്ങളെ സംബന്ധിച്ചും മാധ്യമങ്ങൾക്ക് ഒരുപാട് ചെയ്യാനുണ്ടെന്നും ട്രാഫിക് ജനറൽ ഡയറക്ടറേറ്റുമായി സഹകരിച്ച് സംഘടിപ്പിച്ച ഫോറത്തിൽ അദ്ദേഹം ചൂണ്ടിക്കാട്ടി. ട്രാഫിക് ജനറൽ ഡയറക്ടറേറ്റ് ഡയറക്ടർ ബ്രിഗേഡിയർ മുഹമ്മദ് സഅദ് അൽ ഖർജി അടക്കം ആഭ്യന്തരമന്ത്രാലയത്തിൽ നിന്നുള്ള മുതിർന്ന ഉദ്യോഗസ്ഥരും മാധ്യമ പ്രതിനിധികളും ഫോറത്തിൽ സംബന്ധിച്ചു. മാധ്യമങ്ങൾക്ക് ഇത് സംബന്ധിച്ച സന്ദേശങ്ങൾ സമൂഹത്തിെൻറ മുഴുവൻ തലങ്ങളിലേക്കും എത്തിക്കാൻ സാധിക്കുമെന്നും ഫോറം ഉദ്ഘാടനം ചെയ്ത് സംസാരിക്കവേ അദ്ദേഹം ഓർമ്മിപ്പിച്ചു. ലഹരി ഉപയോഗിച്ചു കൊണ്ടുള്ള ൈഡ്രവിംഗും ൈഡ്രവർമാരെയും പിടികൂടുന്നതിന് ട്രാഫിക് പോലീസുകാർക്ക് പ്രത്യേക നിർദേശം നൽകിയിട്ടുണ്ടെന്ന് ബ്രിഗേഡിയർ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.