ദോഹ: ഖത്തറിലെ പ്രമുഖ ബാങ്കായ ദോഹ ബാങ്കിന്റെ ചീഫ് എക്സിക്യൂട്ടീവ് പദവിയിൽ നിന്നും ഇന്ത്യകാരനായ ആർ. സീതാരാമൻ രാജിവെച്ചു. 15 വർഷത്തോളമായി ബാങ്കിന്റെ ഉന്നത പദവി അലങ്കരിച്ച ഇദ്ദേഹം, ഞായറാഴ്ച രാജികത്ത് നൽകി സ്ഥാനമൊഴിഞ്ഞതായി രാജ്യാന്തര വാർത്താ ഏജൻസികൾ റിപ്പോർട്ട് ചെയ്തു.
തമിഴ്നാട്ടിലെ മലിയാടുതുറൈ സ്വദേശിയായ സീതാരാമൻ 2002ൽ ഡെപ്യൂട്ടി സി.ഇ.ഒ ആയാണ് ദോഹ ബാങ്കിലെത്തുന്നത്. തുടർന്ന് 2007ൽ സി.ഇ.ഒ പദവിയിലെത്തി ബാങ്കിന്റെ വളർച്ചയിൽ നിർണായക സംഭവനകൾ നൽകി. നിലവിൽ ഖത്തറിലെ ഏറ്റവും വലിയ അഞ്ചാമത്തെ ബാങ്കായി ദോഹ ബാങ്ക് മാറുന്നതും സീതാരാമന്റെ നേതൃമികവിലാണ്.
രാജിക്കുള്ള കാരണം വ്യക്തമല്ലെന്ന് വാർത്താ ഏജൻസികൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.