ഖത്തർ ഉപപ്രധാനമന്ത്രിയും പ്രതിരോധ സഹമന്ത്രിയുമായ ഡോ. ഖാലിദ് ബിൻ മുഹമ്മദ് അൽ അത്വിയ്യ റോമിൽ
ഇറ്റാലിയൻ പ്രതിരോധ മന്ത്രി ലോറെൻസോ ഗ്വറിനിയുമായി കൂടിക്കാഴ്ച നടത്തുന്നു
ദോഹ: ഔദ്യോഗിക സന്ദർശനത്തിനായി റോമിലെത്തിയ ഖത്തർ ഉപപ്രധാനമന്ത്രിയും പ്രതിരോധ സഹമന്ത്രിയുമായ ഡോ. ഖാലിദ് ബിൻ മുഹമ്മദ് അൽ അത്വിയ്യ ഇറ്റാലിയൻ പ്രതിരോധ മന്ത്രി ലോറെൻസോ ഗ്വറിനിയുമായി കൂടിക്കാഴ്ച നടത്തി.
ഖത്തറും ഇറ്റലിയും തമ്മിലുള്ള ഉഭയകക്ഷി ബന്ധവും വിവിധ മേഖലകളിൽ പ്രത്യേകിച്ച് പ്രതിരോധ മേഖലയിൽ സഹകരണം ശക്തമാക്കുന്നതും വർധിപ്പിക്കുന്നതുമായി ബന്ധപ്പെട്ടും കൂടിക്കാഴ്ചയിൽ ചർച്ച ചെയ്തു.
ഖത്തർ അമീരി നേവൽ ഫോഴ്സ് സ്്റ്റാഫ് മേജർ ജനറൽ അബ്ദുല്ല ഹസൻ അൽ സുലൈതി, ഇറ്റലിയിലെ ഖത്തർ മിലിട്ടറി അറ്റാഷെ ബ്രിഗേഡിയർ ജനറൽ ഹിലാൽ അലി അൽ മുഹന്നദി, ഇറ്റലിയിലെ ഖത്തർ സ്ഥാനപതി അബ്ദുൽ അസീസ് ബിൻ അഹ്മദ് അൽ മാലികി അൽ ജുഹാനി തുടങ്ങി ഉന്നത വ്യക്തിത്വങ്ങൾ കൂടിക്കാഴ്ചയിൽ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.