ദോഹ: കോവിഡ് സ്ഥിരീകരിച്ച് ചികിൽസയിലായിരുന്ന നാലുപേർ കൂടി ഖത്തറിൽ ബുധനാഴ്ച മരിച്ചു. ഇതോടെ ആകെ മരണം 66 ആയി. 74, 54, 56 വയസുള്ള മൂന്നുേപരും 55കാരനായ മറ്റൊരാളുമാണ് മരിച്ചത്. 55കാരന് മറ്റ് അസുഖങ്ങൾ ഉണ്ടായിരുന്നില്ല. എന്നാൽ മരിച്ച മറ്റുള്ളവർക്ക് മറ്റ് ദീർഘകാല അസുഖങ്ങൾ ഉണ്ടായിരുന്നതായി പൊതുജനാരോഗ്യമന്ത്രാലയം അറിയിച്ചു.
ബുധനാഴ്ച 1716 പേർക്കുകൂടി പുതുതായി കോവിഡ് സ്ഥിരീകരിച്ചു. 1844 പേർക്കുകൂടി രോഗമുക്തിയുണ്ടായി. ആകെ 269964 പേരെ പരിശോധിച്ചപ്പോൾ 73595 പേർക്കാണ് ഇതുവരെ വൈറസ്ബാധ സ്ഥിരീകരിക്കപ്പെട്ടത്. മരിച്ചവരും രോഗം ഭേദമായവരും ഉൾപ്പെടെയാണിത്. നിലവിലുള്ള ആകെ രോഗികൾ 24116 ആണ്. കഴിഞ്ഞ 24 മണിക്കൂറിനിടെ 4929 പേർക്കാണ് പരിശോധന നടത്തിയിരിക്കുന്നത്. ആകെ രോഗം ഭേദമായവർ ഇതുവരെ 49413 ആണ്. 1420 പേരാണ് വിവിധ ആശുപത്രികളിൽ ചികിൽസയിലുള്ളത്. 24മണിക്കൂറിനിടെ ആശുപത്രിയിലായവർ 161 ആണ്. 226 പേർ ആകെ തീവ്രപരിചരണവിഭാഗത്തിലുണ്ട്. ഇതിൽ 15 പേർ ബുധനാഴ്ച പ്രവേശിപ്പിക്കപ്പെട്ടവരാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.