ദോഹ: ഖത്തറിൽ പെരുന്നാൾ ദിനമായ ചൊവ്വാഴ്ച 108 പേർക്കുകൂടി പുതുതായി കോവിഡ് സ്ഥിരീകരിച്ചു. 77 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. 31 പേർ വിദേശത്തുനിന്ന് തിരിച്ചെത്തിയവരാണ്. ഇന്നലെ പുതിയ മരണങ്ങൾ റിപ്പോർട്ട് ചെയ്തിട്ടില്ല. ഇതുവരെ 599 പേരാണ് കോവിഡ് ബാധിച്ച് മരിച്ചത്. ഇന്നലെ 105 പേരാണ് രോഗമുക്തി നേടിയത്. ആകെ 222362 പേർക്കാണ് രോഗമുക്തിയുണ്ടായത്. നിലവിലുള്ള ആകെ രോഗികൾ 1549 ആണ്.
ഇന്നലെ 20134 പേർ പരിശോധനക്ക് വിധേയരായി. രാജ്യത്ത് ആകെ 2276171 പേർക്ക് പരിശോധന നടത്തിയപ്പോൾ 224510 പേർക്കാണ് ഇതുവരെ വൈറസ്ബാധയുണ്ടായത്. നിലവിൽ 62 പേരാണ് ആശുപത്രികളിൽ ചികിത്സിയിലുള്ളത്. ഇതിൽ നാലു പേരെ ഇന്നലെ പ്രവേശിപ്പിച്ചതാണ്. തീവ്രപരിചരണവിഭാഗത്തിൽ 33 പേരുമുണ്ട്. ചൊവ്വാഴ്ച 21,558 ഡോസ് വാക്സിൻ കൂടി കുത്തിവെപ്പ് നടത്തി. ഇതുവരെ രാജ്യത്താകമാനം 35.80 ലക്ഷം ഡോസ് വാക്സിൻ നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.