വരുന്നു, ദോഹ ശാസ്​ത്ര-സാ​ങ്കേതിക സർവകലാശാല

ദോ​ഹ: ഖ​ത്ത​റി​ന്‍റെ ശാ​സ്ത്ര, സാ​​ങ്കേ​തി​ക​മേ​ഖ​ല​യി​ലെ ഉ​ന്ന​ത പ​ഠ​ന​ങ്ങ​ൾ​ക്ക്​ വാ​തി​ൽ തു​റ​ന്ന്​ ശാ​സ്ത്ര, സാ​​ങ്കേ​തി​ക സ​ർ​വ​ക​ലാ​ശാ​ല ആ​രം​ഭി​ക്കാ​ൻ അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി​യു​ടെ നി​ർ​ദേ​ശം.

ഞാ​യ​റാ​ഴ്ച അ​മീ​രി ദി​വാ​ൻ പു​റ​ത്തി​റ​ക്കി​യ 13/2022 ന​മ്പ​ർ തീ​രു​മാ​ന​ത്തി​ലാ​ണ്​ രാ​ജ്യ​ത്തി​ന്‍റെ ശാ​സ്ത്ര, സാ​​ങ്കേ​തി​ക മേ​ഖ​ല​യി​ലെ പ​ഠ​ന​ത്തി​നും ഗ​വേ​ഷ​ണ​ത്തി​നു​മാ​യി ഉ​ന്ന​ത സ​ർ​വ​ക​ലാ​ശാ​ല സ്ഥാ​പി​ക്കാ​ൻ അം​ഗീ​കാ​രം ന​ൽ​കി​യ​ത്. ദോ​ഹ യൂ​നി​വേ​ഴ്സി​റ്റി ഫോ​ര്‍ സ​യ​ന്‍സ് ആ​ൻ​ഡ്​ ടെ​ക്നോ​ള​ജി എ​ന്ന പേ​രി​ലാ​യി​രി​ക്കും സ​ര്‍വ​ക​ലാ​ശാ​ല സ്ഥാ​പി​ക്കു​ന്ന​ത്.

ശാ​സ്ത്ര സാ​​ങ്കേ​തി​ക മേ​ഖ​ല​യി​ലെ വി​ദ​ഗ്​​ധ​രെ ക​ണ്ടെ​ത്താ​നും പ​രി​പോ​ഷി​പ്പി​ക്കാ​നും മി​ക​ച്ച പ​രി​ച​യ​സ​മ്പ​ത്തി​ലൂ​ടെ വ​ള​ർ​ത്തി​യെ​ടു​ക്കാ​നും ല​ക്ഷ്യ​മി​ട്ടാ​ണ്​ പ്ര​ത്യേ​ക സ​ർ​വ​ക​ലാ​ശാ​ല ആ​രം​ഭി​ക്കു​ന്ന​ത്.

അ​തു​വ​ഴി രാ​ജ്യ​ത്തി​ന്​ ശാ​സ്​​ത്ര, സാ​​ങ്കേ​തി​ക, സാ​മൂ​ഹി​ക, സാ​മ്പ​ത്തി​ക മേ​ഖ​ല​യി​ലും പു​രോ​ഗ​തി കൈ​വ​രി​ക്ക​ൽ പ്ര​ധാ​ന ല​ക്ഷ്യ​മാ​ണ്. ഉ​ത്ത​ര​വ് ഗ​സ​റ്റി​ല്‍ വ​ന്നാ​ലു​ട​ന്‍ ന​ട​പ​ടി ക്ര​മ​ങ്ങ​ള്‍ തു​ട​ങ്ങും.