ദോഹ: സി.എച്ച് മുഹമ്മദ് കോയ കാലഘട്ടത്തിലെ ഇതിഹാസപുരുഷനാണന്നും സി.എച്ചിലൂടെ മുസ്ലിം ലീഗ് ചരിത്ര പുനർവായനക്ക് വിധേയമാകുയാണെന്നും വാഗ്മി കെ.എ അബൂട്ടി മാസ്റ്റർ ശിവപുരം പറഞ്ഞു. കോഴിക്കോട് ജില്ല കെ.എം.സി.സി സംഘടിപ്പിച്ച സി.എച്ച് അനുസ്മരണ യോഗത്തിൽ മുഖ്യ പ്രഭാഷണം നടത്തുകയായിരുന്നു അദ്ദേഹം. സമുദായത്തിനും സമൂഹത്തിനും എന്ത് നൽകാൻ സാധിച്ചു എന്നതാണ് രാഷ്ട്രീയ നേതാവിെൻറ കടമയെന്ന് സി.എച്ചിന് ഉത്തമബോധ്യമുണ്ടായിരുന്നുവെന്ന് അദ്ദേഹം പറഞ്ഞു. ബഷീർ ഖാൻ കൊടുവള്ളി അധ്യക്ഷത വഹിച്ചു. ടി.വി ഇബ്രാഹിം എം.എൽ.എ ഉദ്ഘാടനം ചെയ്തു.
കോഴിക്കോട് ജില്ല കെ.എം.സി.സി ബാലുശ്ശേരിയിൽ നിർമിക്കുന്ന സ്നേഹ വീടിനുള്ള ഫണ്ട് ഷബീർ ഷംറാസിൽ നിന്ന് ജില്ല സെക്രട്ടറി ഫൈസൽ മാസ്റ്റർ ഏറ്റുവാങ്ങി. പ്രളയത്തിന് കൈതാങ്ങായി മണിയൂർ പഞ്ചായത്ത് കെ.എം.സി.സിയുടെ ധനസഹായം ഫൈസൽ അരോമക്ക് കൈമാറി. സി.പി സൈതലവി, ഷരീഫ് സാഗർ, എസ്.എ.എം ബഷീർ, പി.കെ അബ്ദുല്ല, അബ്ദുൽ നാസർ നാച്ചി, ഗ്രാമിക ചെയർമാൻ ഒ.കെ മുനീർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.