പു​തി​യ അ​ധ്യ​യ​ന വ​ർ​ഷ​ത്തി​ലെ ആദ്യ ദിനത്തിൽ ഐ​ഡി​യ​ൽ ഇന്ത്യൻ സ്കൂളിലെ വിദ്യാർഥികൾ

ബാക് ടു സ്കൂൾ; പുതിയ ക്ലാസ്, പുതിയ പാഠങ്ങൾ

ദോ​ഹ: വാ​ർ​ഷി​ക പ​രീ​ക്ഷ​യും ക​ഴി​ഞ്ഞ് ഖ​ത്ത​റി​ലെ ഇ​ന്ത്യ​ൻ സ്കൂ​ളു​ക​ൾ വീ​ണ്ടും പ​ഠ​ന​ത്തി​ര​ക്കി​ലേ​ക്ക്. 2023-24 അ​ധ്യ​യ​ന വ​ർ​ഷ​ത്തി​ന് ഞാ​യ​റാ​ഴ്ച​യോ​ടെ പ​ല സ്കൂ​ളു​ക​ളി​ലും തു​ട​ക്കം​കു​റി​ച്ചു. പു​തി​യ ക്ലാ​സു​ക​ളി​ലേ​ക്ക് സ്ഥാ​ന​ക്ക​യ​റ്റം നേ​ടി​യെ​ത്തി​യ വി​ദ്യാ​ർ​ഥി​ക​ളെ​യും പു​തു​താ​യി പ്ര​വേ​ശ​നം നേ​ടി​യ​വ​രെ​യും ആ​ഘോ​ഷ​ത്തോ​ടെ​യാ​ണ് സ്കൂ​ളു​ക​ൾ വ​ര​വേ​റ്റ​ത്. മാ​ർ​ച്ച് ര​ണ്ടാം വാ​ര​ത്തി​ൽ​ത​ന്നെ ക​ഴി​ഞ്ഞ അ​ധ്യ​യ​ന വ​ർ​ഷ​ത്തെ വാ​ർ​ഷി​ക പ​രീ​ക്ഷ​ക​ൾ പൂ​ർ​ത്തി​യാ​യി​രു​ന്നു. പ​ത്തും, 12ഉം ​ക്ലാ​സു​ക​ൾ ഇ​ട​വേ​ള​യി​ല്ലാ​തെ പു​തി​യ പാ​ഠ​ഭാ​ഗ​ങ്ങ​ളു​ടെ പ​ഠ​ന​ത്തി​ലേ​ക്ക് നീ​ങ്ങി​യ​പ്പോ​ൾ, മ​റ്റു ക്ലാ​സു​ക​ളി​ൽ ര​ണ്ടാ​ഴ്ച വ​രെ അ​വ​ധി ന​ൽ​കി. ര​ണ്ടു​മാ​സ​ത്തെ ക്ലാ​സി​നു ശേ​ഷ​മാ​യി​രി​ക്കും ജൂ​ണി​ൽ ഖ​ത്ത​റി​ലെ വേ​ന​ല​വ​ധി​ക്ക് സ്കൂ​ളു​ക​ൾ അ​ട​ക്കു​ന്ന​ത്.

ആദ്യ അധ്യയനദിനത്തിൽ സ്കൂളിലെത്തുന്ന എം.​ഇ.​എ​സ് ഇ​ന്ത്യ​ൻ സ്കൂ​ളിലെ വിദ്യാർഥികൾ

 എം.​ഇ.​എ​സ് ഇ​ന്ത്യ​ൻ സ്കൂ​ൾ, ഐ​ഡി​യ​ൽ ഇ​ന്ത്യ​ൻ സ്കൂ​ൾ എ​ന്നി​വി​ട​ങ്ങ​ളി​ൽ ഞാ​യ​റാ​ഴ്ച​ത​ന്നെ ഏ​റെ ക്ലാ​സു​ക​ളും ആ​രം​ഭി​ച്ചു. പൊ​ഡാ​ർ പേ​ൾ സ്കൂ​ളി​ൽ 10, 11, 12 ക്ലാ​സു​ക​ൾ ഞാ​യ​റാ​ഴ്ച തു​ട​ങ്ങി. വ്യാ​ഴാ​ഴ്ച​യോ​ടെ ശേ​ഷി​ച്ച ക്ലാ​സു​ക​ളി​ലും അ​ധ്യ​യ​നം തു​ട​ങ്ങും. മ​ല​യാ​ളി മാ​നേ​ജ്മെ​ന്റ് ഉ​ൾ​പ്പെ​ടെ 18ഓ​ളം ഇ​ന്ത്യ​ൻ സ്കൂ​ളു​ക​ളാ​ണ് ഖ​ത്ത​റി​ൽ പ്ര​വ​ർ​ത്തി​ക്കു​ന്ന​ത്.

പു​തി​യ അ​ധ്യ​യ​ന വ​ർ​ഷ​ത്തി​ലേ​ക്ക് പ്ര​വേ​ശി​ച്ച വി​ദ്യാ​ർ​ഥി​ക​ളെ എം.​ഇ.​എ​സ് ഇ​ന്ത്യ​ൻ സ്കൂ​ൾ പ്രി​ൻ​സി​പ്പ​ൽ ഡോ. ​ഹ​മീ​ദ് ഖാ​ദ​ർ സ്വാ​ഗ​തം ചെ​യ്തു. കു​ട്ടി​ക​ൾ​ക്ക് ഏ​റ്റ​വും മി​ക​ച്ച പു​തി​യ അ​ധ്യ​യ​ന വ​ർ​ഷ​വും ആ​ശം​സി​ച്ചു. ക്ലാ​സു​ക​ൾ ആ​രം​ഭി​ക്കു​ന്ന​തി​ന് മു​ന്നോ​ടി​യാ​യി അ​ധ്യാ​പ​ക​ർ​ക്കാ​യി വി​വി​ധ പ​രി​ശീ​ല​ന പ​രി​പാ​ടി​ക​ളും ന​ട​ത്തി​യി​രു​ന്നു.

 

എം.​ഇ.​എ​സ് സ്കൂ​ൾ പ്രി​ൻ​സി​പ്പ​ൽ ഹ​മീ​ദ് ഖാ​ദ​ർ വി​ദ്യാ​ർ​ഥി​ക​ൾ​ക്കൊ​പ്പം

Tags:    
News Summary - Back to School; New class, new lessons

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.