ദോഹ: ലുലു ഹൈപ്പർ മാർക്കറ്റുകളിൽ ആസ്ത്രേലിയൻ എംബസിയുമായി സഹകരിച്ച് ‘ആസ്ത്രേലിയൻ ഫെസ്റ്റ്’ തുടങ്ങി. ഇത് ആദ്യമായാണ് ഖത്തർ ലുലുവിൽ ആസ്ത്രേലിയൻ ഫെസ്റ്റ് നടക്കുന്നത്. ഇൗ മാസം 12 വരെ നീളുന്ന ഫെസ്റ്റിവൽ ഖത്തറിലെ ആസ്ത്രേലിയൻ അംബാസിഡർ ഡോ. ആക്സൽ വാബൻഹോസ്റ്റ് ഉദ്ഘാടനം ചെയ്തു. ആസ്ത്രേലിയ രുചിവൈവിധ്യത്തിന് പ്രചാരം നൽകുന്നതിലും രാജ്യത്ത് നിന്ന് ഇറക്കുമതിക്ക് പ്രാധാന്യം നൽകുന്നതിലും അദ്ദേഹം സന്തുഷ്ഠി രേഖപ്പെടുത്തി.
ആസ്ത്രേലിയയിൽനിന്നുള്ള ആട്ടിറച്ചിയും മാട്ടിറച്ചിയും ഉപഭോക്താക്കളിലെത്തിക്കുന്നതിലും അദ്ദേഹം നന്ദി അറിയിച്ചു. ഫെസ്റ്റിൽ ആസ്ത്രേലിയൻ തനത് ഉൽപന്നങ്ങളുടെ പ്രത്യേക വിൽപനയും പ്രദർശനവും ഉണ്ടാകും. ചടങ്ങിൽ ലുലു ഗ്രൂപ്പ് ഇൻറർനാഷനൽ ഡയറക്ടർ മുഹമ്മദ് അൽത്താഫ്, ആസ്ത്രേലിയ, ന്യൂസിലാൻറ് ബിസിനസ്സ് അസോസിയേഷൻ മെമ്പർമാരായ യാര എൽസർഗ്യാനി, ലമീസ് ശാത്ത് എന്നിവർ പെങ്കടുത്തു. ഉ ദ്ഘാടനത്തിനോടനുബന്ധിച്ച് വിദ്യാർഥികളടക്കമുള്ളവർക്കായി വിവിധ പരിപാടികളും നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.