ദോഹ: അൽ ജസീറ വെബ്സൈറ്റിനും അതിെൻറ സോഷ്യൽ മീഡിയ പേജുകൾക്കും നേരെ സൈബർ ആക്രമണ ശ്രമങ്ങൾ നടക്കുന്നതായി അൽ ജസീറ മീഡിയ നെറ്റ്വർക്ക് വ്യക്തമാക്കി.
ഇത് സംബന്ധിച്ച് കഴിഞ്ഞ ദിവസം രാത്രിയാണ് രൂക്ഷമായ ആക്രമണശ്രമങ്ങളുണ്ടായതെന്നും എന്നാൽ വിവിധ ഭാഗങ്ങളിൽ നിന്നും വ്യത്യസ്ത രൂപങ്ങളിൽ ഹാക്കിംഗ് ശ്രമങ്ങൾ ശ്രദ്ധയിൽപെട്ടെങ്കിലും അൽ ജസീറ കീഴടങ്ങിയിട്ടില്ലെന്നും വ്യക്തമാക്കി.
ജസീറക്ക് നേരെയുള്ള സൈബർ ആക്രമണത്തെ സ്ഥിരീകരിച്ച അൽജസീറ വൃത്തങ്ങൾ അതിനെതിരെ പോരാടുകയാണെന്നും ഹാക്കിംഗ് ശ്രമത്തിനെ തുടർന്ന് വെളിപ്പെടുത്തിയിരുന്നു.
നേരത്തെ, ഖത്തർ വാർത്താ ഏജൻസി വെബ്സൈറ്റ് ഹാക്ക് ചെയ്തതിന് പിന്നിൽ പ്രവർത്തിച്ചവരെ കണ്ടെത്തിയതായി ആഭ്യന്തരമന്ത്രാലയം പുറത്ത് വിട്ടിട്ടുണ്ടെങ്കിലും കൂടുതൽ വിശദീകരണം നൽകിയിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.