അൽ ഗറാഫയും അൽറയ്യാനും തമ്മിലെ അമീർ കപ്പ് ഫൈനലിൽനിന്ന്
ദോഹ: ഖലീഫ സ്റ്റേഡിയത്തിലെ നിറഗാലറിയെ സാക്ഷിയാക്കി നടന്ന അമീർ കപ്പ് പോരാട്ടത്തിൽ കിരീടവിജയവുമായി അൽ ഗറാഫ. ഫൈനലിൽ കരുത്തരായ അൽ റയ്യാനെ 2-1ന് തോൽപിച്ചായിരുന്നു ഗറാഫയുടെ കിരീടനേട്ടം. കളിയുടെ നാലാം മിനിറ്റിൽ ഫർജാൻ സാസിയിലൂടെ തുടങ്ങിയ ഗറാഫക്കുവേണ്ടി 18ാം മിനിറ്റിൽ ഹൊസേലുവും സ്കോർ ചെയ്തു.
ഒന്നാം പകുതിയിൽ 2-0ത്തിന് ലീഡ് ചെയ്ത അൽ ഗറാഫ കളിയിൽ പൂർണ മേധാവിത്വം സ്ഥാപിച്ചായിരുന്നു രണ്ടാം പകുതി തുടങ്ങിയത്. 49ാം മിനിറ്റിൽ റോഡ്രിഗോ തബാത പെനാൽറ്റിയിലൂടെ റയ്യാന് ആശ്വാസ ഗോൾ സമ്മാനിച്ചു. 2012ന് ശേഷം അൽ ഗറാഫയുടെ ആദ്യ കിരീടവിജയമാണിത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.