ദോഹ: ഇൗ വർഷം നവംബറിൽ ദോഹയിൽ നടക്കേണ്ടിയിരുന്ന ഏഷ്യൻ ഫുട്ബാൾ കോൺഫെഡറേഷൻെറ പുരസ്കാര വിതരണ ചടങ്ങ് റദ്ദാക്കി. തുടർച്ചയായി രണ്ടാം വർഷമാണ് ദോഹയിൽ നടക്കേണ്ട ചടങ്ങ് റദ്ദാക്കുന്നത്. കോവിഡ് വ്യാപന ഭീഷണി തുടരുന്നതും ഏഷ്യയിലെ വിവിധ രാജ്യങ്ങൾ ഇപ്പോഴും കോവിഡ് മഹാമാരിയുടെ ദുരിതം അനുഭവിക്കുന്നതും പരിഗണിച്ച് ചടങ്ങ് ഒഴിവാക്കുകയാണെന്ന് എ.എഫ്.സി എക്സിക്യൂട്ടിവ് കമ്മിറ്റി അറിയിച്ചു. കഴിഞ്ഞ സീസണിലെ ഏഷ്യയിലെ മികച്ച പുരുഷ-വനിത താരങ്ങൾക്കും പരിശീലകർക്കും അസോസിയേഷനും പുരസ്കാരം സമ്മാനിക്കുന്നതാണ് എ.എഫ്.സി അവാർഡ് നൈറ്റ്. തുടർച്ചയായി രണ്ടു വർഷങ്ങളിലെ പരിപാടിയും റദ്ദാക്കിയതോടെ, അടുത്തവർഷത്തെ അവാർഡ് നൈറ്റ് 2023 ജനുവരിയിൽ ഖത്തതർ തന്നെ വേദിയാവുമെന്ന് എ.എഫ്.സി അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.