ദോഹ: ഖത്തറിൽ കോവിഡ് മരണം കൂടുന്നു. തിങ്കളാഴ്ച മൂന്നുപേർ കൂടി മരിച്ചു. 52ഉം 62ഉം 65ഉം പ്രായമായവരാണ് മരിച്ചതെന്നും ഇവർക്ക് മറ്റ് ദീർഘകാല അസുഖങ്ങൾ ഉണ്ടായിരുന്നതായും പൊതുജനാരോഗ്യമന്ത്രാലയം അറിയിച്ചു. ശനിയാഴ്ചയും ഞായറാഴ്ചയും രണ്ടുപേർ പേർ വീതം മരിച്ചിരുന്നു. ഇതോടെ ആകെ മരിച്ചവർ 26 ആയി.
തിങ്കളാഴ്ച 1751 പേർക്കുകൂടി പുതുതായി കോവിഡ് സ്ഥിരീകരിച്ചു. 1193 പേർ കൂടി രോഗമുക്തരായി. ആകെ രോഗം ഭേദമായവർ 10,363. നിലവിൽ ചികിത്സയിലുള്ളവർ 35,076 ആണ്. 1,92,484 പേർക്ക് ആകെ പരിശോധന നടത്തിയപ്പോൾ 45,465
പേർക്കാണ് ആകെ വൈറസ്ബാധ സ്ഥിരീകരിച്ചത്.
രോഗം ഭേദമായവരും മരിച്ചവരും ഉൾപ്പെടെയാണിത്. 1895 പേരാണ് വിവിധ ആശുപത്രികളിൽ ചികിത്സയിലുള്ളത്. ഇവരിൽ 202 പേർ തീവ്രപരിചരണ വിഭാഗത്തിലാണ്. ബാക്കിയുള്ളവർ വിവിധ സമ്പർക്കവിലക്ക് കേന്ദ്രങ്ങളിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.