ദോഹ: ഒൗദ്യോഗിക സന്ദര്ശനത്തിന് ഖത്തറിലത്തെിയ ലബനീസ് പ്രസിഡന്റ് ജനറല് മിഷയേല് ഒൗന്, അമീര് ശൈഖ് തമീം ബിന് ഹമദ് ആല്ഥാനിയുമായി കൂടിക്കാഴ്ച നടത്തി. മിഡിലീസ്റ്റിലെ ഏറ്റവും പുതിയ രാഷ്ട്രീയ സാഹചര്യങ്ങളടക്കം പ്രാദേശികമായും അന്തര്ദേശീയവുമായ പരസ്പര പ്രാധാന്യമുള്ള നിരവധി വിഷയങ്ങള് ഇരുരാഷ്ട്രത്തലവന്മാരും കൂടിക്കാഴ്ചയില് ചര്ച്ച ചെയ്തു. ഖത്തറും ലബനാനും തമ്മിലുള്ള നയതന്ത്രബന്ധത്തെ സംബന്ധിച്ചും വിവിധ മേഖലകളില് സഹകരണം വര്ധിപ്പിക്കുന്നതുമായി ബന്ധപ്പെട്ടും അമീര്-ലബനീസ് പ്രസിഡന്റ് കൂടിക്കാഴ്ചയില് വിശകലനം ചെയ്തു. ഇരുഭാഗത്ത് നിന്നുമുള്ള ഉന്നത സംയുക്ത സമിതി കാര്യക്ഷമമാക്കണമെന്നതിന് കൂടിക്കാഴ്ചയില് അംഗീകാരം നല്കി.
ഇരുരാജ്യത്തിനും പ്രയോജനപ്പെടും വിധം സാമ്പത്തിക-നിക്ഷേപ രംഗത്ത് സഹകരണം മെച്ചപ്പെടുത്താനും കൂടിക്കാഴ്ചയില് ധാരണയായി. അമീരി ദിവാനില് നടന്ന കൂടിക്കാഴ്ചയില് ഡെപ്യൂട്ടി അമീര് ശൈഖ് അബ്ദുല്ല ബിന് ഹമദ് ആല്ഥാനി, പ്രധാനമന്ത്രിയും ആഭ്യന്തരമന്ത്രിയുമായ ശൈഖ് അബ്ദുല്ല ബിന് നാസര് ബിന് ഖലീഫ ആല്ഥാനി, ലബനീസ് പ്രസിഡന്റിനൊപ്പമുള്ള പ്രതിനിധി സംഘാംഗങ്ങള് തുടങ്ങിയവരും കൂടിക്കാഴ്ചയിലും ചര്ച്ചയിലും പങ്കെടുത്തു.
ഹമദ് വിമാനത്താവളത്തിലത്തെിയ ലബനീസ് പ്രസിഡന്റിന് ഊഷ്മള വരവേല്പ്പാണ് ലഭിച്ചത്.
ധനകാര്യവകുപ്പ് മന്ത്രി അലി ശരീഫ് അല് ഇമാദി, ലബനാനിലെ ഖത്തര് അംബാസഡര് അലി ബിന് ഹമദ് അല് മര്രി, ഖത്തറിലെ ലബനാന് സ്ഥാനപതി ഹസ്സന് ഖാസിം നജീം തുടങ്ങി ഉന്നത വ്യക്തിത്വങ്ങളും നയതന്ത്രപ്രതിനിധികളും ലബനീസ് പ്രസിഡന്റിനെയും സംഘത്തെയും സ്വീകരിക്കാന് എത്തിയിരുന്നു.
സന്ദര്ശനം രണ്ട് ദിവസം നീണ്ടു നില്ക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.