ദോഹ: കതാറ കള്ച്ചറല് വില്ളേജ് ഫൗണ്ടേഷനും യുനെസ്കോയും സംയുക്തമായി സംഘടിപ്പിക്കുന്ന കള്ചറല് ഡൈവേഴ്സിറ്റി ഫെസ്റ്റിവലിന്െറ ഭാഗമായി കതാറയില് നടന്ന സൗദി അറേബ്യയില് നിന്നുള്ള കലാകാരന്മാരുടെ നാടന് കലാ പ്രകടനങ്ങള് ശ്രദ്ധേയമായി. സൗദി അറേബ്യയിലെ അല് ജൗഹറ നാടന് കലാവേദിയാണ് കലാപ്രകടനങ്ങള് അവതരിപ്പിച്ചത്. 19 കലാകാരന്മാര് അണിനിരന്ന് അവതരിപ്പിച്ച അര്ദ നൃത്തമായിരുന്നു ശ്രദ്ധേയം.
പാട്ടിന്െറയും വാദ്യമേളത്തിന്െറയും അകമ്പടിയോടെ അവതരിപ്പിക്കുന്ന അര്ദയില് ഇരുഭാഗത്തും കലാകാരന്മാര് അണി ചേര്ന്ന് വാളും കത്തിയുമായാണ് ചുവടുവെക്കുന്നത്. ആഘോഷ വേളകളിലും വിവാഹ ചടങ്ങുകളിലും ദേശീയ സാംസ്കാരിക പരിപാടികളിലുമാണ് ഈ കലാരൂപം അവതരിപ്പിക്കപ്പെടുന്നത്. മെസ്മാര്, ഇസാവി, സെംസ്മിയ എന്നീ കലാപ്രകടനങ്ങളും അരങ്ങേറി. ഡൈവേഴ്സിറ്റി ഫെസ്റ്റിവലിനോടനുബന്ധിച്ച് നടക്കുന്ന തുര്ക്കി കലാപ്രകടനങ്ങള് 29, 30 തിയ്യതികളില് കതാറയില് നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.