ദോഹ: പ്രവാസലോകത്തെ മലയാളികളും ഇന്ന് ഓണാഘോഷത്തിന്െറ നിറവില്. വാരാന്ത്യ അവധിദിനത്തില് വിരുന്നുവന്ന തിരുവോണത്തെ പതിവിലേറെ ആഘോഷത്തോടെയാണ് ഖത്തറിലെ പ്രവാസികള് വരവേല്ക്കുന്നത്. ഓണക്കോടിയുടുത്തും ഓണസദ്യയൊരുക്കിയും ആഘോഷം കെങ്കേമമാക്കും.
കഴിഞ്ഞ ദിവസങ്ങളില് വിപണിയിലാണ് ഓണത്തിരക്ക് ശരിക്കും അനുഭവപ്പെട്ടത്. ഹൈപ്പര്മാര്ക്കറ്റുകളിലെ ഓണ വിഭവങ്ങള്ക്കായുള്ള തിരക്കാണ് നാട്ടിലെ ഓണത്തെ ഓര്മിപ്പിച്ചത്. പൂക്കളും ഓണപ്പുടവയും കേരളത്തിന്െറ തനത് ഓണ വിഭവങ്ങളുമായാണ് വിപണി ഓണത്തിനൊരുങ്ങിയത്. ഓണ വസ്ത്രങ്ങളുടെയും വിവിധ തരം ഓണ വിഭവങ്ങളുടെയും പരസ്യങ്ങളുമായി ഹൈപ്പര്മാര്റ്റുകളും ഹോട്ടലുകളും ദിവസങ്ങള്ക്ക് മുമ്പേ രംഗത്തുണ്ട്. മലയാളി മാനേജ്മെന്റിലുളളതടക്കം ഹൈപ്പര്മാര്ക്കറ്റുകള് ഓണം വിഭവങ്ങള്ക്ക് പ്രത്യേക വിലക്കിഴവുകളാണ് പ്രഖ്യാപിച്ചത്. മലയാളികളെ ആകര്ഷിക്കാന് ഹൈപ്പര്മാര്ക്കറ്റുകളില് ഓണ മല്സരങ്ങളും ഓണാഘോഷ പരിപാടികളുമുണ്ട്. മല്സര വിജയികള്ക്ക് വിലയേറിയ സമ്മാനങ്ങളും ഓഫര് ചെയ്യുന്നുണ്ട് പലരും. മാവേലി വരവേല്പ്പ്, പൂക്കള മത്സരം, പായസ മല്സരം തുടങ്ങിയ വിവിധ പരിപാടികള് ഓണാഘോഷത്തിന്െറ ഭാഗമായി ഹൈപ്പര്മാര്ക്കറ്റുകളില് നടക്കുന്നുണ്ട്.
അവധിദിനമായതിനാല് പല ബാച്ചിലര് ഫ്ളാറ്റുകളിലും സ്വന്തമായി ഓണസദ്യയുണ്ടാക്കാനുളള തയ്യാറെടുപ്പിലാണ്. ഓണം പ്രമാണിച്ച് സെറ്റ് സാരികളും പുരുഷന്മാര്ക്കുളള മുണ്ടുകളും, പട്ട് പാവാടകളും പല സ്ഥാപനങ്ങളും പ്രത്യേകമായി വിപണിയില് എത്തിച്ചിട്ടുണ്ട്. ഉപഭോക്താക്കളെ ആകര്ഷിക്കാനായി ചില ഹൈപ്പര് മാര്ക്കറ്റുകള് ഓണഘോഷ പരിപാടികളും സംഘടിപ്പിച്ചിട്ടുണ്ട്. മധ്യവേനലവധി അവസാനിക്കാത്തതിനാല് നിരവധി കടുംബങ്ങള്ക്ക് ഇത്തവണ നാട്ടില് ഓണം ആഘോഷിക്കാന് അവസരം ലഭിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.