ചെ​റു ആ​യു​ധ​ങ്ങ​ളു​ടെ വ്യാ​പ​നം: യു.​എ​ന്നി​ൽ ഉ​ത്ക​ണ്ഠ രേ​ഖ​പ്പെ​ടു​ത്തി ഒ​മാ​ൻ

മ​സ്ക​ത്ത്​: അ​ന്താ​രാ​ഷ്ട്ര സ​മാ​ധാ​ന​ത്തി​നും സു​ര​ക്ഷ​ക്കും ഗു​രു​ത​ര​മാ​യ ഭീ​ഷ​ണി​യാ​യ ചെ​റു ആ​യു​ധ​ങ്ങ​ളു​ടെ വ്യാ​പ​ന​ത്തി​ൽ ഒ​മാ​ൻ അ​ഗാ​ധ​മാ​യ ഉ​ത്ക​ണ്ഠ രേ​ഖ​പ്പെ​ടു​ത്തി.

സാ​യു​ധ സം​ഘ​ട്ട​ന​ങ്ങ​ൾ വ​ർ​ധി​പ്പി​ക്കു​ന്ന​തി​നും തീ​വ്ര​വാ​ദ​ത്തി​ന്‍റെ​യും സം​ഘ​ടി​ത കു​റ്റ​കൃ​ത്യ​ങ്ങ​ളു​ടെ​യും വ​ർ​ധി​ച്ചു​വ​രു​ന്ന പ്ര​തി​ഭാ​സ​ങ്ങ​ൾ​ക്കും ഇ​ത് കാ​ര​ണ​മാ​കും.

ചെ​റു ആ​യു​ധ​ങ്ങ​ളു​ടെ അ​ന​ധി​കൃ​ത വ്യാ​പാ​രം ത​ട​യു​ന്ന​തി​നും ചെ​റു​ക്കു​ന്ന​തി​നും ഉ​ന്മൂ​ല​നം ചെ​യ്യു​ന്ന​തി​നു​മു​ള്ള പ്ര​വ​ർ​ത്ത​ന പ​രി​പാ​ടി​ക​ൾ ന​ട​പ്പാ​ക്കു​ന്ന​തി​ലെ പു​രോ​ഗ​തി അ​വ​ലോ​ക​നം ചെ​യ്യു​ന്ന യു.​എ​ൻ സ​മ്മേ​ള​ന​ത്തി​ൽ ഒ​മാ​ന്‍റെ ഫ​സ്റ്റ് സെ​ക്ര​ട്ട​റി മു​ഹ​മ്മ​ദ് ബി​ൻ അ​ലി അ​ൽ ഷെ​ഹി​യാ​ണ്​ ഇ​ക്കാ​ര്യം വ്യ​ക്ത​മാ​ക്കി​യ​ത്. ഐ​ക്യ​രാ​ഷ്ട്ര​സ​ഭ​യി​ലേ​ക്കു​ള്ള ഒ​മാ​ന്‍റെ സ്ഥി​രം പ്ര​തി​നി​ധി സം​ഘ​ത്തി​ലെ അം​ഗ​മാ​ണ് മു​ഹ​മ്മ​ദ് ബി​ൻ അ​ലി അ​ൽ ഷെ​ഹി.

ആ​യു​ധ​ങ്ങ​ളു​ടെ അ​ന​ധി​കൃ​ത വ്യാ​പാ​രം ത​ട​യു​ന്ന​തി​നും ചെ​റു​ക്കു​ന്ന​തി​നും ഉ​ന്മൂ​ല​നം ചെ​യ്യു​ന്ന​തി​നു​മു​ള്ള പ്ര​വ​ർ​ത്ത​ന പ​രി​പാ​ടി​ക​ളോ​ടു​ള്ള പൂ​ർ​ണ പ്ര​തി​ബ​ദ്ധ​ത​യും ഒ​മാ​ൻ വ്യ​ക്ത​മാ​ക്കി. അ​ന​ധി​കൃ​ത വ്യാ​പാ​ര​ത്തെ ചെ​റു​ക്കു​ന്ന​തി​ന് നി​യ​മ​പ​ര​വും സ്ഥാ​പ​ന​പ​ര​വു​മാ​യ ച​ട്ട​ക്കൂ​ടു​ക​ൾ ശ​ക്തി​പ്പെ​ടു​ത്തു​ന്ന​തി​ന് സ്വീ​ക​രി​ച്ച ന​ട​പ​ടി​ക്ര​മ​ങ്ങ​ളെ​ക്കു​റി​ച്ച്​ സു​ൽ​ത്താ​നേ​റ്റ് വി​ശ​ദീ​ക​രി​ച്ചു.