സലാല: സലാല പ്രീമിയർ ലീഗ് ഡേ ആൻഡ് നൈറ്റ് ക്രിക്കറ്റ് ടൂർണമെൻറിൽ സംഘാടകരായ ടെലിബോയ്സ് വിജയികളായി. സലാലയിൽ ഡേ ആൻഡ് നൈറ്റ് ടൂർണമെൻറ് സംഘടിപ്പിക്കുന്നത് ആദ്യമായാണ്. ഔഖാത്തിലെ സലാല സ്പോട്സ് ക്ലബ് സ്റ്റേഡിയത്തിൽ നടന്ന ഫൈനലിൽ തണൽ സലാലയെയാണ് ടെലി ബോയ്സ് പരാജയപ്പെടൂത്തിയത്. ടൂർണമെൻറിലെ മികച്ച കളിക്കാരനായി റയീസിനെയും മികച്ച ബൗളറായി ശിഹാബിനെയും തെരഞ്ഞെടുത്തു. വിജയികൾക്ക് മുഖ്യാതിഥി പി.എം.ജാബിർ സമ്മാനങ്ങൾ വിതരണം ചെയ്തു. രണ്ടുമാസമായി നടന്നുവരുന്ന മത്സരത്തിൽ 24 ടീമുകൾ പങ്കെടുത്തു. വിജയികളെ അബൂ തഹ്നൂൻ എം.ഡി.യും ടൂർണമെൻറ് ചെയർമാനുമായ ഒ.അബ്ദുൽ ഗഫൂർ അഭിനന്ദിച്ചു. ഷബീർ.കെ.നെല്ലിയിൽ, റയീസ്, റംഷാദ്, ഷബീർ ബഷീർ എന്നിവർ ടൂർണമെൻറിന് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.