മസ്കത്ത്‌: 17ാം ലോക്‌സഭ തെരഞ്ഞെടുപ്പ് പ്രമാണിച്ച്‌ മസ്കത്ത്‌ നാദാപുരം മണ്ഡലം കെ.എം.സി.സ ി നേതൃത്വത്തിൽ നടന്ന ചർച്ചാവേദി ശ്രദ്ധേയമായി. യു.ഡി.എഫ് സ്ഥാനാർഥി നിർണയം പൂർത്തിയായശേഷം ഒമാനിൽ നടന്ന പ്രഥമ തെരഞ്ഞെടുപ്പ് പ്രചാരണ പരിപാടിയാണ്‌ മസ്കത്തിൽ നടന്നത്‌. യു.ഡി.എഫ് സ്ഥാനാർഥികളുടെ വിജയത്തിനായി പ്രവാസികൾ വഹിക്കേണ്ട പങ്കിനെക്കുറിച്ച് വിശകലനം ചെയ്ത പരിപാടിയിൽ നൂറിലേറെ പ്രവർത്തകർ പങ്കെടുത്തു. യു.ഡി.എഫ് നാദാപുരം നിയോജക മണ്ഡലം കമ്മിറ്റി അംഗം എം.കെ. അഷ്‌റഫ്‌ ഉദ്ഘാടനം ചെയ്തു. മുനീർ തളീക്കരയുടെ അധ്യക്ഷതയിൽ നടന്ന പരിപാടിയിൽ റൂവി കെ.എം.സി.സി ജനറൽ സെക്രട്ടറി അമീർ കാവനൂർ, മോഹിൻ, താജുദ്ദീൻ കല്യാശേരി, അസ്‌ഹർ കുറ്റ്യാടി, കെ.പി. കാസിം, അഹമദ്‌ കൊമ്മോടൻ കണ്ടി, ഡോ. റഹീം കളത്തിൽ തുടങ്ങിയവർ സംസാരിച്ചു. മുഹമ്മദ്‌ വാണിമേൽ സ്വാഗതവും റഹീം കൊറ്റാല നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.